Павел Сямёнавіч Грынчук

Павел Сямёнавіч Грынчук (нар. 17 мая 1976, г. п. Шаркаўшчына, Віцебская вобласць) — беларускі вучоны ў галіне цеплафізікі, стварэння энергаэфектыўных тэхналогій. Член-карэспандэнт Нацыянальнай акадэміі навук Беларусі (2017), доктар фізіка-матэматычных навук (2014).

Павел Сямёнавіч Грынчук
Дата нараджэння	17 мая 1976(1976-05-17) (47 гадоў)
Месца нараджэння	Шаркаўшчына, Шаркаўшчынскі раён, Віцебская вобласць, БССР, СССР
Грамадзянства	Беларусь
Род дзейнасці	навуковец
Месца працы	Інстытут цепла- і масаабмену імя А. В. Лыкава
Навуковая ступень	доктар фізіка-матэматычных навук (2014)
Навуковае званне	член-карэспандэнт НАН Беларусі (2017)
Альма-матар	БДУ (1998)

Біяграфія

Скончыў Беларускі дзяржаўны ўніверсітэт (1998).

З 1998 года ў Інстытуце цепла-і масаабмену імя А. В. Лыкава НАН Беларусі, з 2012 года загадчык аддзялення цеплафізікі Інстытута цепла- і масаабмену імя А. В. Лыкава НАН Беларусі.

Узнагароды

Прэмія Нацыянальнай акадэміі навук для маладых навукоўцаў за 2003 год за цыкл работ «Перкаляцыйныя з’явы ў працэсах цеплапераносу ў структурна-неўпарадкаваных гетэрагенных асяроддзях». Лаўрэат стыпендыі Прэзідэнта Рэспублікі Беларусь для таленавітых маладых навукоўцаў (2006), трымальнік гранта Прэзідэнта Рэспублікі Беларусь у навуцы (2015).

Навуковая дзейнасць

Навуковыя працы ў галіне цеплафізікі, даследаванні праблем гарэння гетэрагенных асяроддзяў са стахастычнай структурай, развіцця матэматычных метадаў апісання стахастычных структур(у прыватнасці, метадаў тэорыі перкаляцыі), стварэння высокатэмпературных кампазіцыйных матэрыялаў. Упершыню прапанавана і абгрунтавана канцэпцыя энергетычных межаў гарэння ў гетэрагенных сумесевых сістэмах. Распрацавана лінейка энергаэфектыўнага пячнога абсталявання, прызначанага для нагрэву, тэрмаапрацоўкі і хіміка-тэрмічнай апрацоўкі металаў, даведзеная да поўнамаштабнага асваення на адным з флагманаў айчыннага станкабудавання — Баранавіцкім станкабудаўнічым заводзе.

Намеснік кіраўніка падпраграмы «Эфектыўныя цеплафізічныя працэсы і тэхналогіі» дзяржаўнай праграмы навуковых даследаванняў «Энергетычныя сістэмы, працэсы і тэхналогіі», член дзяржаўнага экспертнага савета № 4 «Энергетыка», член экспертнага савета Міністэрства прамысловасці Рэспублікі Беларусь (па секцыі «Энергаэфектыўнасць»), член некалькіх рабочых груп, створаных распараджэннямі ўрада для вырашэння пытанняў сацыяльна-эканамічнага развіцця Рэспублікі Беларусь, член навукова-тэхнічнага савета па развіцці шыннай прамысловасці ў Рэспубліцы Беларусь і інш. Член савета па абароне дысертацый пры Інстытуце цепла-і масаабмену імя А. В. Лыкава НАН Беларусі.

Аўтар больш за 150 навуковых прац, у тым ліку 2-х раздзелаў у калектыўных манаграфіях, больш за 60 артыкулаў у рэферыруемых часопісах, 13 вынаходак.

Бібліяграфія

• Large clusters in supercritical percolation // Physical Review E. 2002. Vol. 66, Iss. 1.
• Surfaces of percolation systems in lattice problems // Physical Review E. 2003. Vol. 67, Iss. 4 (в соавт.).
• Scattering of radiation in a heterogeneous medium near the percolation threshold // Physica B. 2003. Vol. 338, No. 1-4
• Conditions for combustion synthesis in nanosized Ni/Al films on a substrate // Physica B. 2007. Vol. 392. Iss. 1-2 (в соавт.).
• Cluster size distribution in percolation theory and fractal Cantor dust // Physical Review E. 2007 Vol. 75, Iss. 4.
• Математическое моделирование нагрева и плавления металлошихты в дуговой сталеплавильной печи // Инженерно-физический журнал. 2009. Т. 82, № 2. (в соавт.).
• Математическое моделирование тепловых режимов работы электропечей сопротивления // Инженерно-физический журнал. 2010. Т. 83, № 1.
• Контактная теплопроводность при высокотемпературном теплопереносе в волокнистых теплоизоляционных материалах // Инженерно-физический журнал. 2014. Т. 87, № 2.

Літаратура

• Ананич, Е. Таленавіты вучоны Павел Грынчук / Е. Ананич // Кліч Радзімы (Шаркаўшчына). — 2017. — 16 снеж. — С. 6.

Спасылкі

• Павел Сямёнавіч Грынчук у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)