Партыя зялёных (ЗША)
Партыя зялёных Злучаных Штатаў (англ.: Green Party of the United States) — палітычная партыя ЗША. Афіцыйным часам заснавання прынята лічыць 2001 год пасля аб’яднання добраахвотніцкіх зялёных партый і арганізацый ЗША. Але так як кандыдаты ад гэтых партый раней прымалі ўдзел у прэзідэнцкіх выбарах 1996 і 2000 гадоў, неафіцыйная дата заснавання партыі прымаецца 1984 або 1991 год.
| Партыя зялёных | |
|---|---|
| англ.: Green Party of the United States | |
.svg){kind=logo} | |
| Заснавальнік | Howie Hawkins[d] |
| Дата заснавання | красавік 2001 |
| Штаб-кватэра | |
| Краіна | |
| Ідэалогія | зялёная палітыка[d], eco-socialism[d], антыкапіталізм, сацыял-дэмакратыя і progressivism in the United States[d] |
| Інтэрнацыянал | |
| Колькасць членаў | 248 189[1] |
| Сайт | gp.org (англ.) |
 Медыяфайлы на Вікісховішчы | |
Гісторыя правіць
Першая ў ЗША Партыя зялёных была створана ў 1980 годзе. Найбольшага поспеху «зялёныя» дамагліся на прэзідэнцкіх выбарах 2000 года, калі вылучаны партыямі «зялёных» асобных штатаў папулярны ў краіне адвакат і актывіст Ральф Нейдэр набраў 2 883 105 галасоў (каля 2,7 %). У 2001 годзе прыхільнікі Нейдэра з ліку членаў розных «зялёных» партый і арганізацый ЗША аб’ядналіся, утварыўшы Партыю «зялёных» Злучаных Штатаў (англ.: Green Party of the United States), якая ў цяперашні час з’яўляецца асноўнай нацыянальнай партыяй «зялёных» у краіне.
Па дадзеных бюлетэня Ballot Access News «зялёныя» з’яўляюцца другой сярод трэціх партый ЗША. На Кастрычнік 2012 года іх прыхільнікамі зарэгістраваліся 250 682 выбаршчыкаў (0,24 % з ліку зарэгістраваных выбаршчыкаў). Да лютага 2016 года колькасць зарэгістраваных прыхільнікаў крыху знізілася, да 242 023 чалавек (0,24 %). На 2016 год больш за 130 «зялёных» займаюць выбарныя пасады па ўсёй тэрыторыі ЗША, але ў асноўным на мясцовым узроўні, пры гэтым большасць з іх выйгравалі галасавання як беспартыйныя. Усяго з моманту заснавання больш за 1000 яе членаў дамагаліся поспеху на выбарах.
Палітычная праграма правіць
Прытрымліваюцца левацэнтрысцкіх поглядаў, заснаваных на «зялёнай палітыцы», сацыял-дэмакратыі, папулізме і прагрэсівізме. Нягледзячы на ўсе міжфракцыйныя супярэчнасці, партыя выступае[2]:
- За абарону навакольнага асяроддзя;
- За сацыяльную справядлівасць;
- За пацыфісцкую знешнюю палітыку;
- За неіерархічную партысіпатыўную дэмакратыю;
- За легалізацыю абортаў у поўнай меры;
- За аднаполыя шлюбы;
- за дзяржаўны кантроль над асабістай агнястрэльнай зброяй грамадзян;
- Супраць гвалту;
- За дэцэнтралізацыю органаў улады;
- За грамадскую эканоміку;
- За правы жанчын.
Удзел у прэзідэнцкіх выбарах правіць
| Год | Кандыдат у прэзідэнты | Кандыдат у віцэ-прэзідэнты | Атрымана галасоў | павелічэнне/ памяншэнне % |
|---|---|---|---|---|
| 1996 | Ральф Нейдэр | Вайнона ЛаДак | 685 297 | ▬ |
| 2000 | Ральф Нейдэр | Вайнона ЛаДак | 2 882 955 | ▲ 320,6 |
| 2004 | Дэвід Коб | Пот ЛаМарт | 119 859 | ▼ 95,8 |
| 2008 | Сінція Макіні | Роза Клементэ | 161 797 | ▲ 34,5 |
| 2012 | Джыл Стайн | Шэры Хонкала | 469 627 | ▲ 190,9 |
| 2016 | Джыл Стайн | Аджаму Барака | 1 457 216 | ▲ 210,3 |
| 2020 | Хауі Хокінс | Анжэла Уокер | 405 034 | ▼ 72,2 |
Зноскі
- ↑ http://www.oppositionnews.org/articles/2014/q/only-libertarians-and-independents-grew-2008/
- ↑ Использовался материал с «Обзор третьих партий и их кандидатов на президентских выборах-2008». Архівавана з першакрыніцы 7 студзеня 2014. Праверана 17 верасня 2011.
Спасылкі правіць
- Афіцыйны сайт партыі (англ.)