Пасынкі (біялагічны заказнік)
«Па́сынкі» — дзяржаўны біялагічны заказнік рэспубліканскага значэння ў Мядзельскім раёне Мінскай вобласці.
| Пасынкі | |
|---|---|
|
Катэгорыя МСАП — IV (Тэрыторыя кіравання відамі ці месцапражываннямі) |
|
| Размяшчэнне | Беларусь, Мядзельскі раён, Мінская вобласць |
| Найбліжэйшы горад | Мядзель |
| Плошча | 10 га |
  Пасынкі |
|
 Пасынкі |
|
 Катэгорыя на Вікісховішчы
| |
Біялагічны заказнік «Пасынкі» знаходзіцца на паўночным узбярэжжы возера Нарач, паміж вёскамі Чараўкі і Пасынкі Мядзельскага раёна. Функцыянуе на тэрыторыі Нацыянальнага парку «Нарачанскі».
Агульная плошча заказніка складае 10 га (0,1 км²). Асноўнае прызначэнне заказніка — захаванне ў натуральным стане ўнікальнага прыродна-ландшафтнага комплексу поўдня Беларускага Паазер’я. На тэрыторыі заказніка прадстаўленыя арыгінальныя спалучэнні раслінных сем’яў рэдкіх і ўнікальных відаў, якія занесеныя ў Чырвоную кнігу Рэспублікі Беларусь.
Заказнік цікавы для культурна-даведкавых і экалагічных мэт.
Ахоўная тэрыторыя выконвае значную ролю ў падтрыманні экалагічнага балансу, які склаўся ў лугавых прыбярэжных экасістэмах возера Нарач.
У склад рэдкіх відаў, якія сустракаюцца на тэрыторыі заказніка, уваходзяць: крынічнік шыракалісты (Veronica teucrium), гарлянка жэнеўская (Ajuga genevensis), кураслеп лясны (Anemone sylvestris), асака вясенняя (Carex caryophyllea), палуніцы (Fragaria viridis), дзікая пятрушка горная (Peucedanum oreoselinum), скочкі атожылкавыя (Sempervivum globiferum), сон лугавы (Pulsatilla pratensis), цыбуля агародная (Allium oleraceum), спаржа лекавая (Asparagus officinalis), крынічнік каласісты (Veronica spicata) і іншыя.