Патрыярхат — грамадства, у якім мужчыны з’яўляюцца «дамінантным элементам» у сямейным, гаспадарчым і грамадскім жыцці. Гэта з’ява таксама вядомая пад імем андрархіі або андракратыі.

Патрыярхат характарызуецца, у прыватнасці, такімі прыкметамі як патрылінейные (паходжанне дзяцей, сваяцтва і атрыманне ў спадчыну па лініі бацькі), патрылакальныя (пражыванне жонкі ў сям’і або доме мужа, выбар месца пражывання сям’і мужам), манагамія (двубацькоўская сям’я) або палігінія (шматжонства), але не сям’я з некалькімі мужамі, упарадкаваныя палавыя сувязі мужа з адной жанчынай (жонкай) пры адзінашлюбстве або спарадкаваныя палавыя сувязі мужа з некалькімі жонкамі пры шматжонстве, засяроджанасць правоў па распараджэнню маёмасцю і эканамічным жыццём сям’і ў руках мужчыны (гаспадара дома). Патрыярхат характэрны практычна для ўсіх традыцыйных грамадстваў.