Паул Брыл (нідэрл.: Paul Bril; 1556, Антверпен — 7 кастрычніка 1626, Рым) — паўднёванідэрландскі (фламандскі) мастак, жывапісец і гравёр. Адзін з галоўных прадстаўнікоў нідэрландскага раманізму.

Паул Брыл
Партрэт
Род дзейнасці мастак, графік, рысавальнік
Дата нараджэння 1554[1]
Месца нараджэння
Дата смерці 7 кастрычніка 1626(1626-10-07)[3][4][…]
Месца смерці
Грамадзянства
Бацька Matthijs Bril the Elder[d]
Commons-logo.svg Паул Брыл на Вікісховішчы

БіяграфіяПравіць

Паул Брыл нарадзіўся ў 1556 годзе ў горадзе Антверпене, у вялікай сям’і патомных мастакоў. Вучыўся ў мясцовага жывапісца Даміяна Аортэльмана, у 1582 годзе пераехаў у Рым да свайго брата Матэуса Брыла і працягваў навучанне ў яго. Пасля смерці Матэуса ў 1583 годзе Паул, які, як лічыцца, значна перасягнуў брата майстэрствам, здолеў атрымаць яго пасаду і даход. У Рыме супрацоўнічаў з іншымі мастакамі і меў вялікую колькасць вучняў, у тым ліку з роднай Фландрыі. У 1621 годзе стаў кіраўніком Акадэміі Святога Лукі ў Рыме. Яго карціны былі папулярныя ў калекцыянераў.

Пісаў пейзажы, фрэскі. У адрозненне ад сваіх папярэднікаў Брыл імкнуўся да адзінства асвятлення на сваіх карцінах і тым самым значна развіў мастацтва пейзажа пад уплывам італьянскіх майстроў. Каляровая гама яго карцін, у асноўным, засталася па-галандску халоднай з перавагай блакітных і зялёных адценняў. Паул Брыл пісаў карціны на рэлігійныя тэмы, пейзажы, у тым ліку марскія, батальныя сцэны, алегорыі, якія зараз знаходзяцца ў розных музеях Еўропы. Таксама займаўся гравюрай.

Зноскі

  1. Bell A. Encyclopædia BritannicaEncyclopædia Britannica, Inc., 1768.
  2. 2,0 2,1 The Fine Art Archive Праверана 10 жніўня 2021.
  3. RKDartists Праверана 23 жніўня 2017.
  4. Paul Bril // Kunstindeks Danmark Праверана 9 кастрычніка 2017.
  5. Paul Brill // Encyclopædia Britannica Праверана 9 кастрычніка 2017.