Ёрк (паўвостраў)

(Пасля перасылкі з Паўвостраў Ёрк)

Ёрк (англ.: Yorke Peninsula) — паўвостраў у Аўстраліі паміж залівамі Спенсар і Сент-Вінсент.

Ёрк
34°21′00″ пд. ш. 137°37′12″ у. д.HGЯO
Краіна
Ёрк (паўвостраў) (Аўстралія)
Ёрк
Ёрк
Commons-logo.svg Аўдыё, фота і відэа на Вікісховішчы
Выгляд на паўвостраў з паветра.

ГеаграфіяПравіць

 
Вялікая частка паўвострава Ёрк адрозніваецца плоскім рэльефам

Паўвостраў Ёрк размешчаны ў аўстралійскім штаце Паўднёвая Аўстралія, прыкладна ў 150 км ад горада Адэлаіды. Контур паўвострава мае форму бота, які крыху нагадвае Апенінскі паўвостраў.

Паўвостраў Ёрк абмываецца на захадзе залівам Спенсар, які аддзяляе яго ад паўвострава Эйр, а на ўсходзе — залівам Сент-Вінсент, які аддзяляе яго ад горада Адэлаіда і паўвострава Фларо. На поўдні паўвостраў Ёрк адлучаны пралівам Інвестыгейтар ад вострава Кенгуру.

Даўжыня паўвострава, які распасціраецца ад мыса Спенсар на поўдні да Порта-Бротана на поўначы, складае каля 240 км, шырыня — 48 км. Плошча — 4200 км², даўжыня берагавой лініі — 563 км. Вышэйшая кропка паўвострава дасягае 244 м. Сталыя рэкі адсутнічаюць. Максімальная тэмпература ўлетку — 40 ºC, мінімальная ўзімку — 4 ºC.[1]

У паўднёва-заходняй частцы паўвострава размешчаны Нацыянальны парк Інс (англ.: Innes National Park).

Зноскі

  1. Yorke Peninsula. Geography (англ.) . South Australia. Yorke Peninsula. Праверана 29 января 2009.

СпасылкіПравіць