Педра дэ Кампанья
Педра дэ Кампанья (ісп.: Pedro de Campaña; 1503, Брусель — 1586, там жа), сапраўднае імя Пітэр дэ Кэмпенер (нідэрл. Pieter de Kempeneer), таксама быў вядомы як П’ер дэ Шампань (фр. Pierre de Champaigne) і Петэр ван дэ Вельдэ (нідэрл. Peter Van de Velde) — паўднёванідэрландскі (фламандскі) мастак перыяду Рэнесансу, які пераважна працаваў у Іспаніі, Севілья.
| Педра дэ Кампанья | |
|---|---|
 | |
| Дата нараджэння | 1503[1] |
| Месца нараджэння | |
| Дата смерці | 1580[1][2][…] |
| Месца смерці | |
| Грамадзянства | |
| Род дзейнасці | мастак, скульптар, архітэктар, рысавальнік, габеленіст |
| Уплыў на | Луіс дэ Маралес |
 Медыяфайлы на Вікісховішчы | |
Біяграфія правіць
Нарадзіўся ў Бруселі ў вядомай сям’і жывапісцаў і мастакоў габеленаў. Таксама ў Бруселі ён навучаўся ў Бернарда ван Арлі — захаваліся грызайлі гэтага перыяду. У ранні перыяд творчасці працаваў у Італіі, дзе ён старанна вывучаў творчасць Рафаэля, пасля чаго лічыў сябе яго паслядоўнікам.
Дакументы сведчаць, што ён быў у Венецыі, Рыме, а таксама ў Балонні. Гэты перыяд быў вельмі важным для мастака, бо падчас свайго фармавання ў якасці майстра ён непасрэдна сутыкнуўся з рымскім маньерызмам. У 1530 годзе стварыў эскіз трыумфальнай аркі з нагоды каранацыі ў Балонні імператара Карла V, які быў таксама каралём Іспаніі. Затым па парадзе кардынала Даменіка Грымані мастак адправіўся ў Іспанію, дзе і правёў многія гады. Уладкаваўся ў Севільі, дзе ажаніўся.
Як піша яго біёграф Франсіска Пачэка, Кампанья выдатна маляваў, ведаў матэматыку, архітэктуру, скульптуру, а таксама астраномію. (Большасць фактаў біяграфіі мастака вядомы выключна па іспанскіх крыніцах).
У 1537—1562 гг. разам з Луісам дэ Варгасам і скульптарам Тарэджыяна стварыў у Севільі школу жывапісу, якая пазней стала Акадэміяй. Сярод яго вучняў быў Луіс дэ Маралес.