Помнік Сувораву (Санкт-Пецярбург)

Помнік Сувораву — помнік рускаму военачальніку, генералісімусу Аляксандру Васільевічу Сувораву ў Санкт-Пецярбургу.

Помнік
Помнік Сувораву
59°56′45″ пн. ш. 30°19′47″ у. д.
Краіна	Расія
Месцазнаходжанне	Цэнтральны раён
Скульптар	Міхаіл Іванавіч Казлоўскі
Архітэктар	Андрэй Нічыпаравіч Вараніхін
Статус	Аб’ект культурнай спадчыны РФ № 7810661000
Матэрыял	бронза і граніт
Медыяфайлы на Вікісховішчы

Знаходзіцца на Сувораўскай плошчы насупраць Марсава поля і Троіцкага моста, паміж Мармуровым палацам і домам графа Салтыкова.

Гісторыя

Помнік А. В. Сувораву быў устаноўлены па загадзе імператара Паўла I, падчас валадарання якога палкаводзец здзейсніў свой знакаміты паход у Італію, за што і атрымаў тытул «князь Італійскі». Помнік быў замоўлены, спраектаваны і зацверджаны яшчэ пры жыцці Суворава.

На круглым гранітным пастаменце помніка размешчаны надпіс: «Князь Італійскі, граф Сувораў-Рымнікскі. 1801 г.».

Аўтарства помніка належыць скульптару М. І. Казлоўскаму, які працаваў над манументам з 1799 па 1801 год. Фігура А. В. Суворава выканана з бронзы. Помнік не мае партрэтнага падабенства з фельдмаршалам. Скульптар стварыў алегарычную фігуру ў вобразе бога вайны Марса, у старажытнарымскіх даспехах, у шлеме, з паднятым мячом у правай руцэ і са шчытом у левай (у жыцці Сувораў быў невысокага росту і хударлявага целаскладу). Такі падыход у поўнай меры адлюстроўвае эстэтыку ранняга этапу развіцця рускага класіцызму. Урачыстае адкрыццё помніка адбылося 5 (17) мая 1801 года. Да гэтага часу ні Суворава, ні Паўла не было ў жывых; на адкрыцці прысутнічалі іх сыны, князь Аркадзь Сувораў і Аляксандр I.

Помнік Сувораву — першы ў Расіі помнік некаранаванай асобе. Да гэтага ў Расіі помнікі ўзводзілі толькі царам і імператарам.

Мадэль помніка Сувораву захоўваецца ў маскоўскай Траццякоўскай галерэі.