Помнік камсамольцам (Гомель)
Помнік камсамольцам — помнік у горадзе Гомелі Гомельскай вобласці Беларусі.
| Славутасць | |
| Помнік камсамольцам | |
|---|---|
 | |
| 52°25′45″ пн. ш. 31°00′04″ у. д.HGЯO | |
| Краіна | |
| Месцазнаходжанне | |
| Скульптар | Уладзімір Міхайлавіч Лятун |
| Архітэктар | Юлій Раманавіч Лысоў |
| Дата заснавання | 1964 |
| Матэрыял | бронза |
 |
|
 Медыяфайлы на Вікісховішчы | |
Гісторыя і апісанне
правіцьПомнік камсамольцам[1] мае некалькі назваў: помнік загінуўшым камсамольцам[2], помнік камсамольцам-падпольшчыкам[3], манумент (помнік) героям-камсамольцам[4][5].
Помнік камсамольцам усталяваны ў Камсамольскім скверы на скрыжаванні вуліц Карповіча і Жаркоўскага[1] ў 1964 годзе на сродкі камсамольцаў. Помнік прысвечаны героям-камсамольцам, партызанам і воінам, якія загінулі ў барацьбе з нямецкімі захопнікамі ў гады Вялікай Айчыннай вайны. Спачатку ўсталявалі васьмігранны 25-метровы абеліск з шэрага граніту на прамавугольным ступеністым цокалі з чырвонага граніту. Падыход да помніка быў аформлены дэкаратыўнымі газонамі. На помніку (цокалі) тэкст, які выбіты золатам: «Великие подвиги ваши бессмертны. Героям, павшим в боях за свободу и независимость нашей Родины 1941—1945 г.г.»[4]. Аўтары праекта: архітэктар — Ю. Лысоў, скульптар — У. Лятун[4].
У 1975 годзе ля фасаднай грані помніка была ўсталяваная скульптура дзяўчыны-камсамолкі[1] з вымпелам у выцягнутых над галавой руках[4]. Двухметровая скульптура адлітая з бронзы.
У сакавіку 2015 года была праведзена рэканструкцыя манумента і тэрыторыі вакол яго. На помніку з’явілася сучаснае падсвятленне[4]. Абноўлены помнік камсамольцам быў адкрыты 8 мая 2015 года[4] да 70-годдзя Вялікай Перамогі[3].
Зноскі
- ↑ а б в Гомель: Энцикл. справ./Белорус. Сов. Энцикл.; Редкол.: И. П. Шамякин (гл. ред.) и др. — Мн.: БелСЭ, 1991. — 527 с., 12 л. ил.
- ↑ Сайт «Помните нас!». Інфармацыя аб помніке
- ↑ а б Газета «Гомельские ведомости». В Гомеле будет отреставрирован памятник комсомольцам-подпольщикам
- ↑ а б в г д е Гомельская областная универсальная библиотека имени В. И. Ленина. Монумент героям-комсомольцам
- ↑ Всё о Второй мировой. Памятники и мемориалы