Поўная група падзей

Поўнай групай падзей у тэорыі імавернасцей завецца такое мноства выпадковых падзей, што ў выніку выпрабавання заўсёды здзейсніцца адна і толькі адна з іх.

Азначэнне

Канечнае мноства падзей $\{A_{1},A_{2},\dots ,A_{n}\}$ завецца поўнай групай падзей (або канечным падзелам мноства $\Omega$), калі ўсе падзеі $A_{j}$ парамі несумесныя і $A_{1}+A_{2}+\dots +A_{n}=\Omega$^:36-37.

Прыклад

Уявім скрыню з чорнымі і белымі шарамі, з якой наўдачу дастаем адзін шар. У выніку гэтага эксперыменту можа адбыцца адна з наступных падзей:

• $A$: выняты шар белы;
• $B$: выняты шар чорны;

Мноства $\{A,B\}$ — поўная група падзей, бо адна з гэтых падзей мусіць адбыцца і абедзве падзеі не могуць адбыцца адначасова.

Гл. таксама

• Падзел мноства