Прата

Прата (італ.: Prato) — другі па велічыні пасля Фларэнцыі горад Тасканы. Размешчаны за 30 км на паўночны захад ад яе, па дарозе на Пістою, ля падножжа гары Рэтайна, на рэчцы Бісенцыа. Адміністрацыйны цэнтр аднайменнай правінцыі. Са Сярэдніх вякоў — адзін з галоўных цэнтраў італьянскай лёгкай прамысловасці, самы камерцыйны і прадпрымальніцкі горад Тасканы.

Прата італ.: Prato Герб Сцяг Краіна  Італія Каардынаты 43°52′51″ пн. ш. 11°05′48″ у. д. Плошча 97,35 км² (9 кастрычніка 2011) Вышыня цэнтра 65 ± 1 м Насельніцтва ▲195 736 чал. (1 студзеня 2023) Часавы пояс UTC+1 і UTC+2 Тэлефонны код 0574 Паштовыя індэксы 59100 Аўтамабільны код PO Афіцыйны сайт comune.prato.it Прата на карце Італіі

Медыяфайлы на Вікісховішчы

Гістарычны цэнтр Прата захаваўся разам з сярэднявечнай крапасной сцяной у форме няправільнага шасцівугольніка. Багацце горада XIII—XV стагоддзяў вядома па цэрквах і палацах, а таксама па ўнікальнай для паўночнай і сярэдняй Італіі форме Імператарскай крэпасці. У саборы адметны цыкл фрэсак Філіпа Ліпі «Сцэны з жыцця св. Стэфана і Іаана Хрысціцеля» (1452—1457).

Заступнікам горада ўшаноўваецца святы першамучанік Стэфан, святкаванне 26 снежня.