Псіхасаматыка
«Псіхасаматыка» — чацвёрты сольны музычны альбом Лявона Вольскага. Альбом з дзвюх канцэптуальных частак быў запісаны з нарвежскім саўндпрадзюсарам Снорэ Бергерудам. «Псіхасаматыка» стала даступнай для слухачоў 15 лістапада 2016 на сайце выканаўцы. Прэзентацыя адбылася 3 снежня 2016 у віленскім клубе Loftas.
| Псіхасаматыка | ||||
|---|---|---|---|---|
| Альбом Лявона Вольскага | ||||
| Дата выпуску | 2016 | |||
| Запісаны | 2016 | |||
| Жанр | альтэрнатыўны рок | |||
| Працягласць | 42:01 | |||
| Прадзюсар | Снорэ Бергеруд | |||
|
|
||||
| Храналогія Лявон Вольскі | ||||
| ||||
Аб альбоме
правіцьУ «Псіхасаматыцы» 16 кампазіцый, разбітых на дзве паловы. Першая палова аб’яднана назвай «Горад» і з’яўляецца больш рокавай, сацыяльнай, бескампраміснай. Другая частка — «Лес» — больш асабістая, лірычная, бадай, бардаўская. Абедзве паловы пачынаюцца з песні «Гэй!», дакладней, двух розных тэкстаў, пакладзеных на адну музыку. Нечаканым для Вольскага хітом альбома стала песня «Жорны». На песню «Цёплае мінулае» ў 2016 і «Спявайце» ў 2017 былі зняты відэакліпы, прычым у здымках апошняга паўдзельнічала мноства зорак беларускага і нават украінскага року.
Альбом — першая маштабная праца Вольскага, выпушчаная пасля смерці жонкі і прадзюсара Ганны — прасякнуты сумам і адзінотай, асабліва ягоная другая палова.
Спіс кампазіцый
правіцьДыск 1. Горад
| № | Назва | Працягласць | |||||||
|---|---|---|---|---|---|---|---|---|---|
| 1. | «Гэй! (Горад)» | 2:57 | |||||||
| 2. | «Радзіма нарадзіла» | 1:57 | |||||||
| 3. | «Спявайце» | 1:55 | |||||||
| 4. | «Найлепшы для жыцця» | 2:29 | |||||||
| 5. | «Няма калі» | 3:06 | |||||||
| 6. | «Жорны» | 2:35 | |||||||
| 7. | «Скончылася шоў» | 1:40 | |||||||
| 8. | «Дай мне нагоду» | 2:19 | |||||||
| 18:58 | |||||||||
Дыск 2. Лес
| № | Назва | Працягласць | |||||||
|---|---|---|---|---|---|---|---|---|---|
| 1. | «Гэй! (Лес)» | 3:18 | |||||||
| 2. | «Ідзі і глядзі» | 2:07 | |||||||
| 3. | «Дом» | 2:42 | |||||||
| 4. | «Чорны квадрат» | 3:18 | |||||||
| 5. | «На вайне» | 2:37 | |||||||
| 6. | «Цёплае мінулае» | 3:44 | |||||||
| 7. | «Чалавек Ніхто» | 2:28 | |||||||
| 8. | «Мне трэба ісці» | 2:49 | |||||||
| 23:03 | |||||||||
Аўтар музыкі і слоў усіх песень — Лявон Вольскі.
Рэцэнзіі
правіцьАльбом «змяшчае так шмат, а пралятае так хутка: „Горад“ на ўдых, „Лес“ на выдых. Такі надзвычай удалы фармат быў бы немагчымым без „схемы Бергеруда“ — поўнай адмовы ад сола і брыджаў, імкнення да максімальнай лаканічнасці; усяго чатыры песні тут не змясціліся ў троххвілінны хранаметраж… „Псіхасаматыка“, нават разбітая на палоўкі, гучыць цэльна.» — піша музычны крытык Мікалай Янкойць на сайце Experty.by[1].
Удзельнікі запісу
правіць- Лявон Вольскі — вакал
- Snorre Bergerud — усе гітары, бас
- Sindre Skeie — бубны