Раніца (газета, 1929)

«Раніца» — газета для дзяцей школьнага ўзросту і падлеткаў.

«Раніца»
Тып	газета
Заснавана	кастрычнік 1929
Спыненне публікацый	студзень 2021
Мова	беларуская
Перыядычнасць	1 раз у месяц
Галоўны офіс	Мінск

Гісторыя

Выдаецца з кастрычніка 1929 года ў Мінску штотыднёва на беларускай мове. Першапачаткова называлася «Піянер Беларусі», з 1993 года — сучасная назва. Асвятляе пытанні гісторыі Беларусі, адраджэння нацыянальнай культуры; патрыятычнага, працоўнага, фізічнага, эстэтычнага выхавання дзяцей і падлеткаў, расказвае пра дзейнасць дзіцячых згуртаванняў і арганізацый у школах і дзіцячых установах рэспублікі.

У 2010 годзе шэраг СМІ паведамляў пра закрыццё газеты «Раніца», аднак з кастрычніка 2010 года газета працягвала выходзіць штомесяц як дадатак да газеты «Переходный возраст». Са студзеня 2021 года выхад газеты «Раніца» быў спынены па ініцыятыве кіраўніцтва выдавецкага дома «Педагагічная прэса» (разам з газетай «Переходный возраст»).

Спасылкі

• Сайт газеты «Раніца» Архівавана 22 кастрычніка 2017.