Рональд Хэберлі
Рональд Л. Хэберлі (англ.: Ronald L. Haeberle; нар. 1940 ці 1941, Кліўленд, Агая, ЗША) — амерыканскі ваенны фатограф, аўтар здымкаў ахвяр масавага забойства ў Сангмі, здзейсненага амерыканскімі салдатамі ў 1968 годзе падчас В’етнамскай вайны.
| Рональд Хэберлі | |
|---|---|
| англ.: Ronald Haeberle | |
 | |
| Род дзейнасці | фатограф |
| Дата нараджэння | 1940 ці 1941 |
| Месца нараджэння | Кліўленд, Агая |
| Грамадзянства |
 ЗША |
 Медыяфайлы на Вікісховішчы | |
Біяграфія правіць
Ранняе жыццё правіць
Аб папярэдняй біяграфіі практычна няма інфармацыі. Вядома, што нарадзіўся прыкладна ў 1940 ці 1941 годзе ў горадзе Кліўленд, штат Агая.
Падзеі ў Сангмі правіць
16 сакавіка 1968 года Хэберлі разам з ротай С («Чарлі») 1-га батальёна 20-га пяхотнага палка амерыканскай арміі высадзіўся ў раёне вясковай абшчыны Сангмі, дзе стаў сведкам масавага забойства мірных жыхароў.
У яго было два фотаапараты: армейскім ён здымаў чорна-белыя фатаграфіі, а асабістым рабіў каляровыя. У Сангмі былі абодва[1]. Пасля звальнення з вайсковай службы і вяртання ў родны Кліўленд Хэберлі захаваў каляровыя здымкі, аднак не паказваў іх да лістапада 1969 года, калі масавае забойства атрымала агалоску. Ён звязаўся са сваім школьным сябрам, які працаваў рэпарцёрам у кліўлендскай газеце The Plain Dealer. Газета апублікавала здымкі ў чорна-белым колеры і дапамагла Хэберлі прадаць правы на каляровыя здымкі часопісу Life, нямецкаму Stern і лонданскай Sunday Times[1]. Пазней, падчас судовага працэсу, выступаючы сведкам абвінавачвання, ён пацвердзіў, што асабіста бачыў, як амерыканскія салдаты расстрэльвалі мірных жыхароў[2]. У дакладзе камісіі Уільяма Пірса, якая расследавала абставіны злачынства, гаварылася, што фатограф хаваў ад уладаў здымкі, нягледзячы на абавязак паведамляць аб відавочных ваенных злачынствах[3]. Аднак, па словах самога Хэберлі, ён хаваў фатаграфіі, баючыся, што яны будуць проста знішчаныя ўладамі[4].
Пасля вайны правіць
У 2000 і 2011 годзе вяртаўся ў В’етнам у якасці турыста.
Улетку 2012 года наведаў В’етнам і вёсачку Сангмі, дзе ён сустрэўся з Чан Ван Дук, які перажыў бойню 1968 года[5].
Фотаздымкі правіць
Чорна-белыя фота правіць
-
Радавы першага класа Картэр, што стрэліў сабе ў нагу, каб не ўдзельнічаць у разні. Яго нясуць радавы першага класа Маура (злева) і спецыяліст Відмер (справа). -
Пажылы жыхар вёскі сядзіць на зямлі падчас расстрэлаў. -
Спецыяліст Дастын падпальвае дах хаціны.
Каляровыя фота правіць
-
Забітыя мірныя жыхары ў Сангмі. -
Трупы дарослага і дзіцяці. -
Цела забітага, скінутае ў калодзеж. -
Палаючая хаціна, падпаленая амерыканскімі салдатамі. -
Труп жанчыны. -
Целы жанчыны і дзіцяці. -
Забіты ля парога дома жыхар. -
Труп дзіцяці на дарозе з вёскі. -
Спецыяліст Капэза спальвае дамы сялян. -
Група жыхароў вёскі перад сваім расстрэлам.
Гл. таксама правіць
Зноскі
- ↑ а б Miscue on the Massacre Архівавана 12 лютага 2011. // Time. Dec. 05, 1969
- ↑ Ronald Haeberle, Witness for the Prosecution Архівавана 15 красавіка 2007 года.
- ↑ Mai Lai Inquiry Findings and Recommendations Архівавана 25 студзеня 2000 года.
- ↑ Report of the Department of Army review of the preliminary investigations into the My Lai incident. Volume II, Testimony, Book 11, 14 March 1970.
- ↑ King, Tim. Reunion at Site of My Lai Massacre: Survivor Duc Tran Van and Photographer Ron Haeberl. Salem-News.com, July 14, 2012.