Рудня-Гулева

былая вёска ў Веткаўскім раёне Гомельскай вобласці Беларусі

Ру́дня-Гу́лева[1] (трансліт.: Rudnia-Hulieva, руск.: Рудня-Гулево) — былая вёска ў Веткаўскім раёне Гомельскай вобласці. Уваходзіла ў склад Свяцілавіцкага сельсавета.

Вёска
Рудня-Гулева
Краіна
Вобласць
Раён
Сельсавет
Каардынаты
СААТА
3208852086
Рудня-Гулева на карце Беларусі ±
Рудня-Гулева (Беларусь)
Рудня-Гулева
Рудня-Гулева (Гомельская вобласць)
Рудня-Гулева

Ліквідавана ў 2011 годзе[2].

ГісторыяПравіць

Пачатак вёсцы дала рудня, якая ў 1704 годзе значылася за вёскай Рэчка Чачэрскага староства. Пры ёй працавала «дымарня», меўся млын на адным коле. Руднікам тады быў жыхар Рэчкі Ян Гуля[3]. Ад яго прозвішча ўзнікла другая частка назвы будучай вёскі. Аднак калі яна замацавалася, пакуль невядома. У 1753 г. падчас судовай цяжбы на конт межаў зямельных уладанняў паны Лапіцкія, між іншага, скардзіліся на войскага Рэчыцкага павета Казіміра Прушаноўскага, які нібыта «без ніякага дакумента» меў сенажаці «на Рудні Слязін і другой Гулёвай» («na Rudnią Slazyn y drugą Hulową»)[4]. У люстрацыі ўладання («dzierzawy») Рэчка 1765 года мясціна згадваецца як вёска Рудня, сярод яе жыхароў пералічваюцца Ян, Аляксей і Рыгор Мохары, а Ян Мохар пазначаны як руднік[5].

Згодна з «Ведамасцю аб дваранах Магілёўскай губерні» ў 1777 годзе вёска, запісаная як «Рудня Гулѣвая», належала обер-сакратару Аляксею Васільеву і знаходзілася ў складзе Рагачоўскага павета, а яе насельніцтва («число головъ») складала 45 чалавек — 41 хрысціянскага і 4 іўдзейскага веравызнання[6].

У 1926—1927 гадах цэнтр Рудня-Гулеўскага сельсавета.

 
На «Планах генеральнага межавання» Рагачоўскага павета (1784 г.) Рудня-Гулева пазначана як «Рудня».

Зноскі

  1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
  2. Решение Ветковского районного Совета депутатов от 27 декабря 2011 г. № 74 Об упразднении сельских населенных пунктов на территории Ветковского района (руск.) 
  3. Инвентарь Чечерского староства 1704 г. // Историко-юридические материалы, извлеченные из актовых книг губерний Витебской и Могилевской, хранящихся в Центральном архиве в Витебске [Текст]. — Витебск : Губернская Типо-Литография, 1900. — Вып. 28. — С. 20-21.
  4. Mandat [...] od Lapickich, 1753 // Akta dotyczące tytułów prawnych. Akta dotyczące tytułów własności dóbr i rozgraniczeń,1738-1770 // Archiwum Faszczów.
  5. Lustracya dzierzawy Rzeczka, 1765 rok.
  6. Ведомость о дворянах Могилевской губернии, 1777 г. — Аб. 101.

СпасылкіПравіць