Рукайней

Ру́кайней (літ.: Rukainiai, традыцыйная беларуская назва — Рукойні) — вёска ў Вільнюскім раёне Вільнюскага павета Літвы. Цэнтр Рукайнейскай сянюніі. Размешчана на паўднёвы ўсход ад Вільнюса. Насельніцтва на 2011 год — 770 чалавек.

Вёска Рукайней літ.: Rukainiai Касцёл Краіна Літва Павет Вільнюскі Раён Вільнюскі Сянюнія Рукайнейская Каардынаты 54°36′50″ пн. ш. 25°30′29″ у. д. Першае згадванне 1435 Ранейшыя назвы Рукойні Насельніцтва 770 чал. (2011) Часавы пояс UTC+2, летам UTC+3 Паштовыя індэксы LT-13016 Рукайней на карце Літвы

Рукайней на Вікісховішчы

Гісторыя

Царква-мураўёўка, каля 1900 г.

Вялікае Княства Літоўскае

Першы пісьмовы ўпамін пра Рукойні датуецца 1435 годам, калі яны ўваходзілі ў склад Віленскага павета Віленскага ваяводства.

У 1538 годзе ў Рукойнях быў пабудаваны касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Рукойні апынуліся ў складзе Расійскай імперыі, у Віленскім павеце Віленскай губерні.

На 1859 год у Рукойнях было 26 будынкаў, на 1866 год — 25.

Найноўшы час

25 сакавіка 1918 года згодна з Трэцяй Устаўной граматай Рукойні абвяшчаліся часткай Беларускай Народнай Рэспублікі. 1 студзеня 1919 года ў адпаведнасці з пастановай I з’езда КП(б) Беларусі яны ўвайшлі ў склад Беларускай ССР. У 1920 годзе Рукойні апынуліся ў складзе Сярэдняй Літвы, у 1922 годзе — у складзе міжваеннай Польскай Рэспублікі.

Пасля заняцця тэрыторыі ў выніку паходу ў Заходнюю Беларусь у верасні 1939 года ўлады СССР перадалі мястэчка Літве.

Насельніцтва

• XIX стагоддзе: 1859 год — 244 чал.; 1866 год — 364 чал., з іх 261 каталік, 53 праваслаўныя і 50 іўдзеяў; 1881 год — 323 чал.
• XXI стагоддзе: 2011 год — 770 чал.

Славутасці

• Касцёл Святога Міхаіла Арханёла (1823)

Страчаная спадчына

• Царква Покрыва Багародзіцы (1860-я; мураўёўка)

Вядомыя асобы

• Павел Ксаверый Бжастоўскі (1739—1827) — вялікалітоўскі дзяржаўны і рэлігійны дзеяч.

Спасылкі

• На Вікісховішчы ёсць медыяфайлы па тэме Рукайней
• Рукайней на сайце Radzima.org