Рэмі Веркутр

Рэмі́ Верку́тр (фр.: Rémy Vercoutre; нар. 26 чэрвеня 1980, Гранд-Сент, Францыя) — французскі футбаліст (брамнік) і трэнер. Выступаў за «Манпелье», ліёнскі «Алімпік», «Страсбур» і «Кан». У цяперашні час працуе трэнерам брамнікаў у ліёнскім «Алімпіку».

Рэмі Веркутр
Агульная інфармацыя
Нарадзіўся	26 чэрвеня 1980(1980-06-26)[…] (44 гады) Гранд-Сент, arrondissement of Dunkirk[d], дэпартамент Нор, рэгіён Нор — Па-дэ-Кале, Францыя
Грамадзянства	Францыя
Рост	184 см
Вага	78 кг
Пазіцыя	брамнік
Інфармацыя пра клуб
Клуб	Ліён
Пасада	трэнер брамнікаў
Маладзёжныя клубы
1985—1996 Граўлін 1996—1997 Дзюнкерк 1997—1999 Манпелье
Клубная кар’ера
1998—2002 Манпелье 35 (-26) 2002—2014 Ліён 75 (-81) 2004—2005 →  Страсбур 5 (-10) 2014—2018 Кан 145 (-210)
Нацыянальная зборная
2002 Францыя (да 21)
Трэнерская кар’ера
2019—2021 Манрэаль Імпакт брамнікі 2021— Ліён брамнікі
Медыяфайлы на Вікісховішчы

Клубная кар’ера

Рэмі Веркутр з’яўляецца выхаванцам футбольнага клуба «Манпелье». У асноўнай камандзе «Манпелье» Рэмі дэбютаваў у сезоне 1998/99, адгуляўшы адзін матч у чэмпіянаце Францыі. У сезоне 2000/01 «Манпелье» выступаў у Лізе 2, і ў Рэмі з’явіўся шанц стаць першым брамнікам клуба. Рэмі адгуляў 20 матчаў у чэмпіянаце, а «Манпелье» фінішаваў на трэцім месцы, вярнуўшыся ў Лігу 1.

У 2002 годзе Рэмі перайшоў у «Алімпік» з Ліёна, дзе стаў другім брамнікам клуба пасля Грэгары Купэ. Дэбют Рэмі ў складзе «Алімпіка» адбыўся 20 кастрычніка 2002 года ў матчы Лігі 1 супраць «Аяча», дзе Веркутр згуляў увесь матч, а яго клуб святкаваў перамогу з лікам 1:0.

Пасля сыходу Уго Льярыса ў англійскі «Тотэнхэм» у жніўні 2012 года Веркутр стаў першым брамнікам ліёнскага клуба. Аднак ужо ў канцы сезона 2012/13 Рэмі страціў месца асноўнага галкіпера каманды, саступіўшы яго партугальскаму брамніку Антоні Лопішу. У чэрвені 2014 года Веркутр пасля 12 гадоў, праведзеных у структуры клуба, падпісаў двухгадовы кантракт з клубам «Кан», які толькі з’явіўся ў Лізе 1. На працягу чатырох гадоў заставаўся асноўным брамнікам каманды, пасля чаго завяршыў кар’еру.

Трэнерская кар’ера

У 2019—2021 гадах быў трэнерам брамнікаў у канадскім клубе «Манрэаль Імпакт», а ў чэрвені 2021 года стаў трэнерам брамнікаў у ліёнскім «Алімпіку».

Дасягненні

Ліён:

• Чэмпіён Францыі (5): 2003, 2004, 2006, 2007, 2008
• Уладальнік Суперкубка Францыі: 2006
• Уладальнік Кубка Францыі (2): 2008, 2012

Страсбур:

• Уладальнік Кубка французскай лігі: 2005

Спасылкі

• Профіль на афіцыйным сайце ліёнскага «Алімпіка»