Сага (крупы)
Са́га (малайск.: sago) — крупы з крухмалу, якія здабываюць са стрыжню камля сагавай і некаторых іншых пальмаў, а таксама штучныя крупы з бульбянага або кукурузнага крухмалу.
![](http://upload.wikimedia.org/wikipedia/commons/thumb/b/bb/Sago_%28Metroxylon_sagu%29_in_New_Guinea.jpg/220px-Sago_%28Metroxylon_sagu%29_in_New_Guinea.jpg)
Багатая на вугляводы (85%), бялкі ўтрымваюцца ў нязначнай колькасці. Выкарыстоўваецца пры дыетах з неабходнасцю абмежаваня ўжывання бялкоў.
Сага — асноўны прадукт харчавання ў Новай Гвінеі, на Барнеа, Малуках і Суматры. У Брунеі з яе гатуюць папулярную страву амбуят. Таксама шырока выкарыстоўваецца для вырабу локшыны і белага хлебу.
На рынак звычайна пастаўляецца ў выглядзе круп, падобных да тапіёкі — шарыкі дыяметрам 2 мм. Пры прыгатаванні набухае, становіцца празрыстай і друзлай. Шырока выкарыстоўваецца для прыгатавання пудынгаў.
Спасылкі
правіцьСага (крупы) на Вікісховішчы |