Адкрыць галоўнае меню

Сан-Хуан (англ.: San Juan River) — рака ў паўднёва-заходняй частцы ЗША, прыток Каларада. Працягласць складае каля 616 км. Плошча басейна ракі — 64 000 км², уключае тэрыторыю паўднёвага захаду штата Каларада, паўночнага захаду Нью-Мексіка, паўднёвага ўсходу Юты і невялікую тэрыторыю на паўночным усходзе Арызоны.

Бярэ пачатак на поўдні штата Каларада, у Скалістых гарах, у раёне горнага хрыбта Сан-Хуан, плыве першапачаткова ў паўднёва-заходнім кірунку да мяжы са штатам Нью-Мексіка. Далей цячэ пераважна ў заходнім і паўночна-заходнім напрамках. Упадае ў Каларада на тэрыторыі штата Юта. Найбуйнейшыя прытокі: Анімас, Лос-Пін'ёс, П'едра, Ла-Плата, Наваха і Манкас.