Святая вада Дзехцяроўская
Святая вада Дзехцяроўская — крыніца, якая знаходзіцца каля вёскі Дзегцяры Мёрскага раёна, за 7,5 км на поўнач ад Новага Пагоста і за 11 км на паўднёвы захад ад Мёраў у паніжэнні сярод марэнных пагоркаў.
| Святая вада Дзехцяроўская | |
|---|---|
| Размяшчэнне |
|
| Найбліжэйшы горад | Мёры |
| Кіруючая арганізацыя | ДЛГУ «Дзісненскі лясгас»[1] |
  Святая вада Дзехцяроўская |
|
 Святая вада Дзехцяроўская |
|
Апісанне правіць
«Святая вада Дзехцяроўская» аб’яўлена гідралагічным помнікам прыроды мясцовага значэння Рашэннем Мёрскага раённага выканаўчага камітэта № 803 ад 23.09.2011 г. Землекарыстальнікам з’яўляецца Новапагосцкае лясніцтва ДЛГУ «Дзісненскі лясгас». Агульная плошча гідралагічнага помніка прыроды мясцовага значэння «Святая вада Дзехцяроўская» складае 1,5 га (15 000 м²)[1]. Межы ахоўнай зоны не пазначаныя[2].
Крыніца знаходзіцца на вышыні 149,2 м над узроўнем мора[3]; прымеркавана да ўскрайкаў марэннага масіва і балота, на якім праведзена меліярацыя і пракладзены шэраг каналаў. Над крыніцай усталяваны зруб з падстрэшкам. Лясная паляна абсталявана альтанкай, вогнішчам. Праз крынічны ручай пракладзеныя масткі[2]. Вада крыніцы з’яўляецца гідракарбанатнай кальцыева-магніевай з павышаным утрыманнем сульфатаў. Павялічанае ўтрыманне сульфатаў у вадзе тлумачыцца ўплывам асушанага балотнага масіва, які знаходзіцца побач.
Лічыцца, што вада дапамагае ад многіх хваробаў, у тым ліку вачэй. У крыніцу звычайна кідаюць манеты. Раней адбываліся фэсты (на Яна)[4][5].
Зноскі
- ↑ а б Инспекция природных ресурсов и охраны окружающей среды МИОРСКИЙ РАЙОННЫЙ ИСПОЛНИТЕЛЬНЫЙ КОМИТЕТ (руск.) Памылка ў зносках: памылковы тэг
<ref>; імя "МИОРСКИЙ РИК" вызначана некалькі разоў з розным зместам - ↑ а б Святая вода Дехтяревская Архівавана 21 жніўня 2019. Родники Беларуси (руск.)
- ↑ Крынічка «Святая вада» // «Міёрскія навіны»
- ↑ Ля дарогі Чапукі — Волкаўшчына — крыніца «Святая вада Дзехцяроўская» // «Міёрскія навіны»
- ↑ КРЫНІЦА СВЯТАЯ ВАДА Архівавана 20 лютага 2020. // «Прыдзвінскі край»
Літаратура правіць
- Памяць: гісторыка-дакументальная хроніка Міёрскага раёна / рэдкал. Г. М. Маняк [і інш.]. — Мн., 1998. — 622 с.
Спасылкі правіць
- Родники Беларуси Архівавана 29 верасня 2019. (руск.)
- МІЁРСКІ РАЁННЫ ВЫКАНАЎЧЫ КАМІТЭТ Архівавана 29 верасня 2018.