Свята-Параскева-Пятніцкая царква (Альшаны)
Свята-Параскева-Пятніцкая царква — мураваны праваслаўны храм у в. Альшаны Брэсцкай вобласці. Знаходзіцца ў цэнтры вёскі на вул. Савецкая, 1.
| Славутасць | |
| Свята-Параскева-Пятніцкая царква | |
|---|---|
 | |
| 52°04′35″ пн. ш. 27°20′45″ у. д.HGЯO | |
| Краіна |
 Беларусь |
| Аграгарадок | Альшаны |
| Канфесія | БПЦ |
| Епархія | Пінская і Лунінецкая епархія |
| Дата пабудовы | 1997 год |
 |
|
 Медыяфайлы на Вікісховішчы | |
Гісторыя правіць
Пабудавана ў 1997 годзе з цэглы на месцы драўлянага храма 1866 года, пры якім у 1884 годзе была адкрыта царкоўнапрыходская школа.
Архітэктура правіць
.jpg)
Вырашана ў стылізаваных формах царкоўнага дойлідства 2-й пал. 19 ст. Развітую аб’ёмна-прасторавую кампазіцыю фарміруюць прытвор-званіца (васьмярык на чацверыку), трапезная, кубападобны аб’ём малітоўнай залы, паўкруглая апсіда. Сілуэт храма фарміруюць пяцікупалле центральнага кубападобнага аб’ёму і 2-ярусны цыбулепадобны купал званіцы.
Асноўная архітэктурная тэма — арачны аконны праём разнастайнай трактоўкі: вялізны на бакавых фасадах, фланкіраваны вокнамі сярэдняй вялікасці і невялікімі на дугім ярусе. Выкарыстаны паўкруглыя вокны-люкарны. Уваход аформлены высокім 2-слуповым ганкам з 2-схільным пакрыццём. Драўляныя разныя царскія вароты 1767 года[1].
Зноскі
Літаратура правіць
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
- Минские епархиальные ведомости. 1886. № 7-8. С.172.
Спасылкі правіць
- Свята-Параскева-Пятніцкая царква (Альшаны) на сайце Глобус Беларусі (руск.)