Свята-Успенская царква (Хатынічы)

Свята-Успенская царква — мураваны праваслаўны храм у аграгарадку Хатынічы Ганцавіцкага раёна Брэсцкай вобласці. Знаходзіцца ў цэнтры вёскі.

Праваслаўны храм
Свята-Успенская царква
52°37′46″ пн. ш. 26°18′27″ у. д.
Краіна	Беларусь
Аграгарадок	Хатынічы
Канфесія	Праваслаўе
Епархія	Пінская і Лунінецкая епархія
Дата пабудовы	1994 год
Стан	дзейнічае

Гісторыя

Пабудавана ў 1994 годзе на месцы драўлянага храма 1868 года.

Архітэктура

Пабудавана з цэглы. Вырашана па кампазіцыі прамавугольнага храма ў стылізаваных формах рэтраспектыўна-рускага стылю. Яе фарміруюць прамавугольныя ў плане прытвор-званіца, кароткая трапезная, цэнтрычная малітоўная зала з бакавымі прыдзеламі, прамавугольная апсіда. Над пакатым 4-схільным дахам цэнтральнага аб'ёму і шатром 8-граннай званіцы ўзведзены цыбулепадобныя галоўкі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Успенская царква (Хатынічы) на сайце Глобус Беларусі (руск.)