Свіна (Польшча)

Сві́на (польск.: Świna, ням.: Swine) — рака, якая падзяляе астравы Узедам і Волін і злучае Шчэцінскую лагуну з Памеранскай бухтай. З'яўляецца часткай эстуарыя Одры (праз Свіну ў моры трапляе да 75 % Одэрскай вады). Пры моцных вятрах з Балтыйскага мора напрамак цячэння ракі змяняецца. Даўжыня — каля 16 км, шырыня ад 100 да 1000 метраў.

Свіна
польск. Świna
Характарыстыка
Даўжыня	16 км
Вадацёк
Выток	Шчэцінскі заліў
• Каардынаты	53°50′21″ пн. ш. 14°22′53″ у. д.
Вусце	Балтыйскае мора
• Вышыня	0 м
• Каардынаты	53°55′38″ пн. ш. 14°16′47″ у. д.
Размяшчэнне
Водная сістэма	Балтыйскае мора
Краіна	Польшча
— выток, — вусце
Медыяфайлы на Вікісховішчы

Свіна аддзяляе востраў Волін ад вострава Узедам на захадзе

У 1880 годзе ад выгіну Свіны на поўдзень ад Свінемюндэ праз востраў Узедам быў пракапаны канал Кайзерфарт, які аддзяліў ад Узедама новы востраў Карсібур.

У вусце Свіны знаходзіцца марскі порт Свінауйсце, вышэй па цячэнні маюцца малыя порты Пшытур і Карсібур. Адзіны мост цераз Свіну — Пястаўскі мост — размешчаны ў Свінауйсці.

Спасылкі

• На Вікісховішчы ёсць медыяфайлы па тэме Свіна (Польшча)