Сейлемскі дзяржаўны ўніверсітэт

Сейлемскі дзяржаўны ўніверсітэт (англ.: Salem State University) — дзяржаўная вышэйшая навучальная ўстанова са статусам універсітэта, якая месціцца ў горадзе Сейлем у штаце Масачусетс, ЗША.

Сейлемскі дзяржаўны ўніверсітэт
англ.: Salem State University
Арыгінальная назва	англ.: Salem State University
Заснаваны	1854
Студэнты	7 242
Краіна	ЗША
Размяшчэнне	Сейлем, Масачусетс, ЗША
Сайт	salemstate.edu
Медыяфайлы на Вікісховішчы

Універсітэт прапануе шырокі выбар ступеняў бакалаўра і магістра, а таксама аспірантуры па больш чым 40 акадэмічных дысцыплінах.

Сейлемскі дзяржаўны ўніверсітэт быў заснаваны ў 1854 годзе як нармальная школа пад кіраўніцтвам Гарацыя Мана ў яго намаганнях па забеспячэнні даступнай педагагічнай адукацыі па ўсёй краіне. Школа была чацвёртай падобнай вучэльняй, якая адкрылася ў штаце Масачусетс, і толькі дзесятай у ЗША.

У 1898 годзе ў вучэльні сталі разам навучацца жанчыны і мужчыны, хаця колькасць мужчын заставалася невялікай да адкрыцця адукацыйнай праграмы ў галіне камерцыйнай адукацыі ў 1908 годзе, якая спалучала бізнес-практыку з педагагічнай падрыхтоўкай. У 1921 годзе дзяржава дазволіла такім вучэльням прапаноўваць чатырохгадовыя праграмы атрымання ступені бакалаўра, першай з якіх была прапанавана менавіта камерцыйная адукацыя.

У 1960 годзе школа была перайменавана ў Сейлемскі дзяржаўны каледж пасля таго, як атрымала права прапаноўваць розныя ступені бакалаўра гуманітарных навук і ступені бакалаўра у галіне бізнесу.

26 ліпеня 2010 года губернатар штата Масачусетс Дэвал Патрык падпісаў закон, паводле якога Сейлемскі дзяржаўны каледж і восем іншых дзяржаўных навучальных устаноў штата атрымалі статус універсітэта. Школа афіцыйна стала Сейлемскім дзяржаўным універсітэтам 26 кастрычніка 2010 года.

Гл. таксама

• Спіс універсітэтаў штата Масачусетс

Спасылкі

• На Вікісховішчы ёсць медыяфайлы па тэме Сейлемскі дзяржаўны ўніверсітэт
• Афіцыйная інтэрнэт-старонка ўстановы