Скарбара (Трынідад і Табага)

Скарбара
Краіна	Трынідад і Табага
Рэгіён	Табага
Абшчына	Сэнт-Эндру
Каардынаты	11°11′00″ пн. ш. 60°44′15″ з. д.HGЯO
Заснаваны	1654
Плошча	10 км²
Вышыня цэнтра	4 м
Насельніцтва	17 537 чалавек (2011)
Шчыльнасць	1 754 чал./км²
Часавы пояс	UTC-4
Паштовы індэкс	90xxxx
	Медыяфайлы на Вікісховішчы

Ска́рбара (англ.: Scarborough) — найбуйнейшы порт і мястэчка вострава Табага^[2], а таксама адзінаццаты па колькасці насельніцтва горад дзяржавы Трынідад і Табага. Быў сталіцай Табага з 1769 года, пакуль калонія не была аб’яднана з Трынідадам, змяніўшы сталіцу на Порт-оф-Спейн. Насельніцтва ў 2011 годзе ацэнівалася ў 17 537 чалавек. Горад з’яўляецца адным з найбольш густанаселеных гарадоў Трынідада і Табага разам з Порт-оф-Спейнам, Сан-Фернандам, Чагуанасам і Арымай.

Скарбара, размешчаны на захадзе Табага, з’яўляецца эканамічным і культурным цэнтрам вострава. У абрысах горада відавочна вылучаецца форт Кінг-Джордж, умацаванне 18-га стагоддзя, названае ў гонар караля Вялікабрытаніі Георга III, у якім зараз знаходзіцца гісторыка-археалагічны музей.

Этымалогія

Горад названы англійскімі каланістамі ў гонар Скарбара графства Ёркшыр у Вялікабрытаніі.

Гісторыя

Скарбара стаў сталіцай Табага ў 1769 годзе, замяніўшы тагачасную сталіцу Джорджтаўн. Пад уладай Францыі з 1789 па 1814 год ён называўся Порт-Луі (Port-Louis).

У 1991 годзе была пабудавана глыбакаводная гавань Скарбара; да гэтага караблі мусілі кідаць якар у моры.

Горад Скарбара з’яўляецца галоўнай рэзідэнцыяй Палаты сходаў Табага, якая адказвае за мясцовае кіраванне на востраве Табага.

Геаграфія

Скарбара размешчаны ў паўднёва-заходняй частцы Табага. Мясцовасць плоская, на ўзроўні мора.

Клімат

Згодна з кліматычнай класіфікацыяй Кёпена, горад, разам з усім востравам, мае мусонны клімат^[3]. Тэмпература на працягу года трымаецца стабільна каля 27 °C, яе перапады складаюць не больш за тры градусы. Сухая позняя зіма і вясна кантрастуюць з вельмі дажджлівай астатняй часткай года.

Клімат Скарбара
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	29,5	30,0	30,4	31,0	31,2	30,6	30,2	30,3	30,7	30,5	30,1	29,5	30,3
Сярэдняя тэмпература, °C	25,9	26,1	26,6	27,4	27,8	27,4	27,0	27,1	27,3	27,1	26,8	26,2	26,9
Сярэдні мінімум, °C	22,2	22,2	22,8	23,8	24,3	24,2	23,8	23,9	23,8	23,7	23,4	22,8	23,4
Норма ападкаў, мм	47,4	47,9	42,8	42,8	63,8	148,4	187,7	162,7	171,3	220,3	206,7	158,9	1 502,7
Крыніца: World Weather Information Service^[4]

Абслугоўванне

Культурны комплекс Шоу-Парк — найбуйнейшы тэатр выканальніцкіх мастацтваў на Карыбах. Галоўная зала комплексу змяшчае больш за 5 000 чалавек, а таксама канферэнц-залы і лекцыйныя залы. У горадзе ёсць бібліятэка, будаўніцтва якой было завершана ў 2012 годзе, а ў 2014 годзе адкрыта бальніца агульнага профілю.

Транспарт

Паромныя зносіны звязваюць Скарбара са сталіцай Порт-оф-Спейн. Як і астатняя частка вострава Табага, Скарбара абслугоўваецца міжнародным аэрапортам імя А. Н. Р. Робінсана (былы аэрапорт Краўн-Пойнт), размешчаным за 11 кіламетраў ад цэнтра горада. Праз Скарбара таксама праходзіць шаша імя Клода Ноэля^[en].

Крыніцы

↑ List of Postal Districts (нявызн.). TTPOST. TTPOST (29 ліпеня 2018). Праверана 29 ліпеня 2018.
↑ Discover Tobago - Scarborough (нявызн.). www.discover-tt.com. Праверана 17 лютага 2023.
↑ Climate Summary for Scarborough
↑ World Weather Information Service (нявызн.). WMO. Праверана 3 ліпеня 2023.

Літаратура

Anthony, Michael (2001). Historical Dictionary of Trinidad and Tobago. Scarecrow Press, Inc. Lanham, Md., and London. ISBN 0-8108-3173-2.

Спасылкі

	Скарбара (Трынідад і Табага) на Вікісховішчы

Scarborough (Trinidad and Tobago) даведнік на сайце Wikivoyage

[List_of_Postal_Districts_California_&_Couva-1] List of Postal Districts (нявызн.). TTPOST. TTPOST (29 ліпеня 2018). Праверана 29 ліпеня 2018.

[2] Discover Tobago - Scarborough (нявызн.). www.discover-tt.com. Праверана 17 лютага 2023.

[3] Climate Summary for Scarborough

[WMO-4] World Weather Information Service (нявызн.). WMO. Праверана 3 ліпеня 2023.

[2]

[1]

[3]

[4]