Славацкі сельскагаспадарчы ўніверсітэт у Нітры

Славацкі сельскагаспадарчы ўніверсітэт у Нітры — славацкая дзяржаўная вышэйшая навучальная ўстанова са статусам універсітэта і з сядзібай у Нітры.

Славацкі сельскагаспадарчы ўніверсітэт у Нітры
Slovenská poľnohospodárska univerzita v Nitre
Арыгінальная назва	Slovenská poľnohospodárska univerzita v Nitre
Міжнародная назва	Slovak University of Agriculture in Nitra
Заснаваны	1946
Краіна	Славакія
Размяшчэнне	Нітра
Сайт	uniag.sk
Медыяфайлы на Вікісховішчы

Агульная характарыстыка

У 1946 годзе Славацкая нацыянальная рада заснавала асобную ВНУ на базе кафедры лясной гаспадаркі і сельскагаспадарчага машынабудавання Славацкага тэхнічнага ўніверсітэта ў Браціславе — Каледж сельскагаспадарчага і ляснога машынабудавання ў Кошыцах, які ў 1952 годзе па рашэнні ўрада быў рэфармаваны — з двух факультэтаў былі створаны два асобныя каледжы — Каледж сельскай гаспадаркі ў Нітры і Каледж лясной гаспадаркі і дрэваапрацоўкі ў Зволене. Сельскагаспадарчы ўніверсітэт у Нітры пачаў сваю дзейнасць з двух напрамкаў — фітатэхнічнага і заатэхнічнага. У арганізацыйным складзе яго ўтварыўся факультэт аграноміі і заатэхніі. Пазней гэтыя два факультэты зліліся ў агранамічны факультэт, адначасова быў створаны новы факультэт эканомікі, які з 1997 года дзейнічае пад назвай факультэт эканомікі і менеджменту. Пасля, у 1969 годзе, быў створаны механічны факультэт, які з 2009 года функцыянуе як тэхнічны факультэт.

Структура

• Факультэт аграбіялогіі і харчовых рэсурсаў
• Факультэт біятэхналогіі і харчовай прамысловасці
• Факультэт эканомікі і менеджменту
• Факультэт еўрапейскіх даследаванняў і рэгіянальнага развіцця
• Факультэт садаводства і ландшафтнай інжынерыі
• Тэхнічны факультэт

Спасылкі

• На Вікісховішчы ёсць медыяфайлы па тэме Славацкі сельскагаспадарчы ўніверсітэт у Нітры
• Афіцыйная інтэрнэт-старонка ўстановы