Спангіпеліс

Спангіпе́ліс (Spongipellis) — род губавых базідыяльных грыбоў.

Спангіпеліс
Spongipellis pachyodon
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Паліпоравыя Сямейства:  Паліпоравыя Род:  Спангіпеліс
Міжнародная навуковая назва
Spongipellis Pat. (1874)
Выявы на Вікісховішчы NCBI   5328 EOL   21234 MB   18576

Апісанне

Пладовыя целы ад распасцертых да сядзячых, капытападобныя, часам веерападобныя або акруглыя, мясіста-губчатыя, валакніста-мясістыя, вадзяністыя або храсткавата-жэлацінападобныя, белыя, жаўтаватыя, пры высыханні бураватыя, цвёрдыя. Тканка двухслойная: верхні слой лямцавы, або мясіста-губчаты, ніжні — мясіста-коркавы. Гіменафор трубчасты. Споры шарападобныя або шырокаэліпсоідныя.

Арэал і экалогія

Сапратрофы на адмерлай драўніне хвойных і лісцевых парод, рэдка паразіты дрэў. Выклікаюць белую цэнтральную і камлёвую гніль ствалоў, якая пранікае ў карані. Пашыраны ва ўмераным поясе, на Беларусі 5 відаў.

Літаратура

• Галаўко А. Спангіпеліс // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал.: I. П. Шамякін (гал. рэд.) і інш. — Мн.: БелСЭ, 1985. — С. 577.