Стэфан Лускіна

Стэфан Лускіна (польск.: Stefan Łuskina; 31 снежня 1725, Віцебскае ваяводства, Вялікае Княства Літоўскае — 21 жніўня 1793) — матэматык і астраном, публіцыст; член ордэна езуітаў.

Стэфан Лускіна
Дата нараджэння	31 снежня 1725(1725-12-31)
Дата смерці	21 жніўня 1793(1793-08-21) (67 гадоў)
Месца смерці	Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая
Грамадзянства	Рэч Паспалітая
Род дзейнасці	каталіцкі святар

Біяграфія

Нарадзіўся ў 1725 годзе на Віцебшчыне. Выпуск нік Віленскай акадэміі, ён вывучаў матэматыку і астраномію ў Вене (1750—1752). Пасля Вены вучыўся ў Рыме, а з 1757 г. — у Францыі. Пасля навучання вярнуўся ў Вільню. У 1759 г. пераехаў у Варшаву, выкладаў фізіку і астраномію ў езуіцкім калегіуме і кіраваў невялікай астранамічнай абсерваторыяй. У 1765 годзе выехаў у Францыю да двара караля Станіслава Ляшчынскага. Вярнуўся ў Варшаву ў 1767 годзе і прывёз з сабой вялікую колькасць якасных астранамічных прылад. У Варшаве заняў кафедру прафесара матэматыкі і астраноміі ў езуіцкім калегіуме. Неўзабаве ён стаў рэктарам гэтай установы. Памёр у 1793 годзе ў Варшаве.