Сусветная арганізацыя прафсаюзаў

Сусветная федэрацыя прафсаюзаў, СФП (англ.: World Federation of Trade Unions, WFTU) — міжнародная прафсаюзная арганізацыя, створаная пасля заканчэння Другой сусветнай вайны.

Гісторыя

СФП была створана на 1-й ўстаноўчай канферэнцыі ў Парыжы 3 кастрычніка 1945 года. Знаходзілася пад уплывам Савецкага Саюза. На момант свайго заснавання аб’ядноўвала практычна ўсе існуючыя нацыянальныя прафсаюзныя арганізацыі. Дыскусія аб падтрымцы «Плана Маршала» і іншых пытаннях прывяла да выхаду ў 1949 годзе з Федэрацыі некалькіх нацыянальных прафсаюзных аб’яднанняў, сфармавалі Міжнародную канфедэрацыю свабодных прафсаюзаў (МКСП). У складзе СФП засталіся, у асноўным, прафцэнтры краін Савецкага блока. З прафсаюзаў капіталістычных краін у Федэрацыі засталіся Усеагульная канфедэрацыя працы (УКП, Францыя), Італьянская ўсеагульная канфедэрацыя працы (ІУКП) і іншыя. Нацыянальныя прафцэнтры Югаславіі і Кітая выйшлі з СФП пасля разрыву з Савецкім Саюзам.

Пасля распаду Савецкага блока, многія прафсаюзы, якія з’явіліся ў былых сацыялістычных краінах, далучаліся да МКСП. Акрамя таго, з СФП ў сярэдзіне 1990-х гадоў выйшлі французская і італьянская прафсаюзныя канфедэрацыі — УКП і ІУКП.

Літаратура

Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі

Афіцыйны сайт СФП (руск.)