Сутыкненні ў Паўднёвым Дарфуры

Сутыкненні ў Паўднёвым Дарфуры — серыя з двух узброеных інцыдэнтаў у раёне горада Балбала суданскай правінцыі Паўднёвы Дарфур. Сутычкі адбыліся незадоўга да абвяшчэння вынікаў усеагульных выбараў у Судане, па выніку якога прэзідэнт краіны Амар аль-Башыр застаўся на новы тэрмін, а народна-вызваленчы рух захаваў кантроль над паўаўтаномным поўднем краіны[1].

Сутыкненні ў Паўднёвым Дарфуры
Дата 23 і 25 красавіка 2010
Месца г. Балбала, Дарфур, Судан (9°59′31″ пн. ш. 26°10′54″ у. д.HGЯO)
Праціўнікі
Insignia of the Sudanese Armed Forces.svg Узброеныя сілы Судана (па версіі НАВС)
Рызейгат (па версіі ўрада і самога племя)
Flag of the SPLA (until 2011).svg Народная армія вызвалення Судана
Сілы бакоў
невядомая колькасць чалавек, чатыры тачанкі 120 чалавек[1]
Страты
як мінімум 58 забітых і 85 параненых[2] як мінімум 53 забітых і палонных[2]

АгрэсарыПравіць

Дакладна невядома, хто быў ініцыятарам сутыкненняў. Прадстаўнікі НАВС сцвярджаюць, што нападнікі былі вайскоўцамі ўрадавай арміі, якія выкарыстоўвалі пры нападзе чатыры пікапы з усталяванымі кулямётамі[2]. Афіцыйны Хартум адмаўляе якое-небудзь дачыненне да гэтага інцыдэнту, абвінавачваючы ва ўсім качавое арабскае племя рызейгат, назваўшы гэта «відавочным парушэннем» мірнага пагаднення 2005 года[2]. Прадстаўнік племя пацвердзіў агенцтву France Presse, што яго супляменнікі ўдзельнічалі ў баі з апазіцыянерамі за новыя пашы для жывёлы[1]. НАВС абвергла гэта, заявіўшы, што рызейгаты не былі абсталяваны тэхнічкамі[3]. Губернатар суседняй правінцыі Бахр-эль-Газаль толькі пацвердзіў сутыкненне паміж НАВС і «ўзброенымі людзьмі», якое прывяло да ахвяр з абодвух бакоў[3]. Ён заявіў, што сустрэнецца з уладамі Дарфура, каб абмеркаваць гэтае пытанне[3].

НападыПравіць

Першы напад адбыўся ў Балбала, Паўднёвы Дарфур, і, па словах лідара племя рызейгат, прывёў да гібелі па меншай меры 58 членаў племя і ранення яшчэ 85 чалавек[2][4]. Рызейгаты раней былі ўцягнуты ў канфлікт з іншымі качавымі плямёнамі ў 2009 годзе, сутыкненні з якімі панеслі жыцці 900 чалавек[1]. НАВС звязана з Народна-вызваленчым рухам Судана, якое кіравала паўаўтаномным рэгіёнам Паўднёвы Судан, і яму было дазволена захаваць войска пасля мірнага пагаднення, што завяршыла другую грамадзянскую вайну ў Судане ў 2005 годзе[2].

НАВС заявіла, што 25 красавіка быў здзейснены напад на яе сілы ў гэтым раёне[1]. Гэтае здарэнне адбылося ў раёне Раджа і прымусіла войскі сепаратыстаў адступіць. З прыблізна 100 чалавек у гэтым раёне толькі 47 удалося сысці ад праціўніка[2].

Зноскі

  1. 1,0 1,1 1,2 1,3 1,4 Sudan clashes kill 'at least 50', BBC News (25 April 2010). Праверана 25 April 2010.
  2. 2,0 2,1 2,2 2,3 2,4 2,5 2,6 McDoom, Opheera. North–south Sudan clashes kill 58, injure 85, Washington Post (25 April 2010). Праверана 25 April 2010.(недаступная спасылка)
  3. 3,0 3,1 3,2 Southern Sudan forces attacked near Darfur: SPLA, AFP . Праверана 25 April 2010.
  4. 55 killed in Darfur clashes, News 24 (25 April 2010). Праверана 25 April 2010.