Схема БЧБ
Схема БЧБ — чаргаванне белага, чырвонага і белага колераў у расфарбоўцы прадметаў. З’яўляецца адсылкай да беларускага бела-чырвона-белага сцяга.
Выраз «схема БЧБ» стаў папулярным падчас пратэстаў у Беларусі супраць Аляксандра Лукашэнкі. Выраз ужываецца таксама ў рускай мове без перакладу, як беларусізм.
Супрацоўнікі МУС Беларусі, спрабуючы спыніць любыя праявы колераў бела-чырвона-белага сцяга, затрымлівалі за выкарыстоўванне схемы БЧБ у самых розных жыццёвых сітуацыях (бялізна, якая вісіць на вяроўцы[1]; адзенне, якое носяць людзі; расфарбоўка парасона[2]; колер каляднай гірлянды[2]; чырвоныя сардэчкі на акне[3]; шыльда з адрасам на доме[4]). Сярод неверагодных прысудаў — за размяшчэнне малюнкаў аблокаў, цюльпанаў і рамонкаў у сваім акне[5]. Асуджалі, нават, за вывешванне сцягаў Англіі[6] і Канады[7] на сваіх вокнах.
На хвалі папулярнасці схемы БЧБ беларускія сем’і даволі часта сталі ўпрыгожваць свае кватэры да новага года ў бела-чырвона-белых колерах[8].
Зноскі
- ↑ Барысаўчанку аштрафавалі за бялізну, якая сохла «па схеме БЧБ»
- ↑ а б Адміністратыўны перасьлед. Праваабарончы цэнтр «Вясна»
- ↑ Восьми жителям «Новой Боровой» с сердечками на окнах присудили 5800 рублей штрафа и 77 суток Архівавана 28 красавіка 2021.
- ↑ Мужчину задержали за табличку с адресом на доме. Она была в бело-красных цветах Архівавана 26 красавіка 2021.
- ↑ Мінчук атрымаў 13 сутак за пікетаванне «аблокамі, цюльпанамі і рамонкамі» ў акне
- ↑ Амаль як БЧБ-сцяг. Менчуку далі 12 содняў за сцяг Англіі ў вакне
- ↑ Тлумачыў, што любіць хакей, але атрымаў 15 сутак праз сцяг Канады ў акне
- ↑ По схеме БЧБ. Как белорусы украшают квартиры к Новому году Архівавана 26 красавіка 2021.