Сяргей Стасевіч

Сяргей Стасевіч (нар. 1978, г. Івацэвічы) — беларускі грэка-каталіцкі святар, настаяцель і ініцыятар будаўніцтва Царквы Святога Кірылы Тураўскага і ўсіх святых заступнікаў беларускага народа ў Лондане, дзеяч беларускай дыяспары ў Вялікабрытаніі.

Сяргей Стасевіч
Айцец Сяргей Стасевіч у 2022 г.
Адукацыя	факультэт філасофіі і сацыяльных навук БДУ (1999) Папскі Універсітэт Святога Тамаша Аквінскага (2004) Лонданскі ўніверсітэт
Месца працы	Каталіцкія навіны Pro Christo[d]
Нараджэнне	1978 Івацэвічы, Івацэвіцкі раён, Брэсцкая вобласць, БССР, СССР
Узнагароды

Біяграфія

Нарадзіўся ў Івацэвічах.

Скончыў у 1999 годзе філасофскі факультэт БДУ, у 2004 годзе Папскі ўніверсітэт Святога Тамаша Аквінскага ў Рыме, у 2009 годзе Гітруп-Каледж Лонданскага ўніверсітэта. Магістр кананічнага права.

Працаваў у рэдакцыі газеты «Каталіцкія навіны» і выдавецтве Pro Christo. Рэдактар малітоўніка «Госпаду памолімся» (Мінск, 2002).

У 2006 г. пасвечаны на грэка-каталіцкага святара ў Лондане.

Узначаліў беларускую грэка-каталіцкую грамаду ў Лондане пасля смерці айца Аляксандра Надсана.

У 2015—2016 гг. ініцыяваў і ажыццявіў будаўніцтва Царквы Святога Кірылы Тураўскага і ўсіх святых заступнікаў беларускага народа ў Лондане.

У 2018 годзе ўзнагароджаны Медалём да стагоддзя БНР.

Спасылкі

• «А зарабляю я ў шпіталях як капелан». Інтэрв’ю з айцом Сяргеем Стасевічам — беларускім святаром у Лондане — Царква (газета), 22.07.2022
• Высвячаны імаверны пераемнік айца Надсана — Наша Ніва, 18.05.2006