Сілезскі політэхнічны ўніверсітэт

Сілезскі політэхнічны ўніверсітэт (польск.: Politechnika Śląska) — польская дзяржаўная вышэйшая навучальная ўстанова тэхнічнага профілю са статусам універсітэта, якая знаходзіцца ў Глівіцах.

Сілезскі політэхнічны ўніверсітэт
польск.: Politechnika Śląska
Арыгінальная назва	польск.: Politechnika Śląska
Міжнародная назва	Silesian University of Technology
Заснаваны	1945
Тып	політэхніка
Рэктар	Arkadiusz Mężyk[d]
Студэнты	20 000
Краіна	Польшча
Размяшчэнне	Глівіцы
Юрыдычны адрас	вул. Акадэмічная 2а, 44-100 г. Глівіцы, Польшча
Сайт	polsl.pl
Медыяфайлы на Вікісховішчы

Гісторыя

24 мая 1945 года ўтвораны Сілезскі політэхнічны ўніверсітэт у Катавіцах. У чэрвені 1945 года ў Сілезію з Кракава былі пераведзены чатыры факультэта Горна-металургічнай акадэміі. З-за недахопу адпаведных памяшканняў і свабоднай зямлі для будаўніцтва новага кампуса ў Катавіцах улады ўніверсітэта і горад Глівіцы падпісалі 21 чэрвеня 1945 года пагадненне аб тым, што кампус універсітэта будзе размяшчацца менавіта ў гэтым горадзе. Навучальны год у Глівіцах распачаўся 29 кастрычніка 1945 года, калі там навучанне распачалі 2750 студэнтаў. Вучэльня налічвала 54 кафедры і больш за 200 выкладчыкаў. У 1968 годзе ўніверсітэт стварыў філіялы ў іншых гарадх Сілезіі - Катавіцах, Рыбніку і Дамброве Гурнічай. У 1989 годзе адбыліся першыя свабодныя выбары рэктара ўніверсітэта.

Факультэты і інстытуты

• Архітэктуры
• Аўтаматызацыі, электронікі і інфарматыкі
• Будаўніцтва
• Хіміі
• Электрычны
• Горназдабываючай прамысловасці, тэхнікі бяспекі і прамысловай аўтаматызацыі
• Біямедыцынскай інжынерыі
• Экалагічнай інжынерыі і энергетыкі
• Прыкладной матэматыкі
• Механіка-тэхналагічны
• Інжынерыі матэрыялаў
• Арганізацыі і ўпраўлення
• Транспарту і авіяцыйнай інжынерыі
• Інстытут даследаванняў адукацыі і камунікацый
• Інстытут Фізікі

Спасылкі

• На Вікісховішчы ёсць медыяфайлы па тэме Сілезскі політэхнічны ўніверсітэт
• Афіцыйная інтэрнэт-старонка ўніверсітэта