Сільвестра Лега

Сільвестра Лега (італ.: Silvestro Lega; 8 снежня 1826, Мадзільяна — 21 верасня 1895, Фларэнцыя) — італьянскі мастак, адзін з галоўных прадстаўнікоў руху мак'яёлі.

Сільвестра Лега
італ.: Silvestro Lega
Дата нараджэння	8 снежня 1826(1826-12-08)[…]
Месца нараджэння	Мадыльяна[d], правінцыя Фарлі-Чэзена, Эмілія-Раманья
Дата смерці	21 верасня 1895(1895-09-21) (68 гадоў)
Месца смерці	Фларэнцыя, Каралеўства Італія
Грамадзянства	Каралеўства Італія
Род дзейнасці	мастак
Вучоба	Фларэнтыйская акадэмія мастацтваў[d]
Мастацкі кірунак	рэалізм
Уплыў	Benedetto Servolini[d], Tommaso Gazzarini[d], Giuseppe Bezzuoli[d], Enrico Pollastrini[d], Luigi Mussini[d], Franz Adolf von Stürler[d] і Antonio Ciseri[d]
Медыяфайлы на Вікісховішчы

Біяграфія

Сільвестра Лега нарадзіўся ў Мадзільяне ў сям’і землеўладальніка. З 1838 года вучыўся ў каледжы ордэна піярыстаў, дзе выявіў вялікую схільнасць да малявання. У 1843 годзе пераехаў у Фларэнцыю, дзе вучыўся ў Акадэміі мастацтваў у класе Э. Паластрыні і займаўся ў студыях Л. Мусіні і А. Чызеры. У 1848—1849 гадах браў удзел у руху Рысарджымента, ваяваў у Таскане і Ламбардыі, быў паслядоўнікам ідэй філосафа і палітыка Джузэпэ Мадзіні.

Вярнуўшыся ў Фларэнцыю ў 1850 годзе, Лега працягнуў навучанне ў Акадэміі майстэрстваў у Дж. Бецуолі. Атрымаў сярэбраны медаль за карціну «Давід, які грае перад Саўлам». У канцы 1850-х гадоў зблізіўся з Джавані Фаторы, Тэлемака Сіньёрыні і Адрыяна Чэчоні, склаўшы разам з імі аснову руху мак’яёлі, якія выступалі супраць акадэмічнага стылю ў мастацтве.