Сінагога 1893 года (Ліда)

Сінагога 1893 — колішняя сінагога ў г. Лідзе. Размяшчалася на Школьным двары прыкладна на месце сучаснага інтэрната «Лакафарбы» па вул. Кірава.

Сінагога
Сінагога 1893 года
Сінагога 1893 годзе на пярэднім плане, ззаду Галоўная сінагога
53°53′35″ пн. ш. 25°18′05″ у. д.
Краіна	Беларусь
Горад	Ліда
Архітэктурны стыль	эклектыка
Архітэктар	Аляксей Уладзіміравіч Полазаў
Будаўніцтва	1893
Дата скасавання	23 чэрвеня 1941
Медыяфайлы на Вікісховішчы

Праект гэтай сінагогі склаў губернскі архітэктар Аляксей Уладзіміравіч Полазаў у 1892 годзе. Працы па будаўніцтве скончыліся ў 1893 годзе.

Архітэктура

Фасад Лідскай сінагогі 1893 года

Бакавы фасад сінагогі

Будынак меў наступныя памеры: даўжыня 21.3 м, шырыня 10.7 м, вышыня 5 м, аб’ём 1035 м³ з высокай залай плошчай у 140 м² і двухпавярховай прыбудовай з трыма ўваходамі. Падмуркі каменныя глыбінёй 1.7 м, дзве паўкалоны ля ўваходу, 24 акна — 12 з якіх асвятлялі залу, чатырохсхільны дах.

План мужчынскага аддзялення

Па праекце мужчынскае аддзяленне плошчай 210 м² размяшчалася на першым паверсе, мела два ўваходы, ацяплялася трыма печамі. У цэнтры залы меркавалася ўладкаванне каўчэга з сувоем.

Жаночае аддзяленне плошчай каля 70 м² было запраектавана на другім паверсе, з асобным уваходам і вонкавай лесвіцай, якая была прыкрыта навесам.

Сінагога згарэла пасля жахлівай бамбардзіроўкі 23 чэрвеня 1941 года.

Літаратура

• Памятная книжка Виленской губернии. 1893 г.
• LVIA. Ф.382 оп.1 д.1450. Дело о разрешении построить каменную синагогу в Лиде

Спасылкі

• Лидская синагога 1893 года Архівавана 19 ліпеня 2019. (руск.)
• Як у Лідзе на папялішчы з’явілася найпрыгажэйшая беларуская сінагога