Таледскі сабор

Кафедральны сабор Святой Марыі (ісп.: Catedral Primada Santa María de Toledo) — каталіцкі сабор у Таледа, кафедра прымаса Іспаніі, галоўны сабор краіны. Помнік архітэктуры, прыклад іспанскай готыкі. Сабор Святой Марыі — частка гістарычнага цэнтра горада Таледа, у 1986 годзе ўключанага ў спіс аб’ектаў Сусветнай спадчыны ЮНЕСКА. Па-за службамі сабор працуе як музей.

Славутасць
Таледскі сабор
Toledo Cathedral, from Plaza del Ayuntamiento.jpg
39°51′25″ пн. ш. 4°01′26″ з. д.HGЯO
Краіна Flag of Spain.svg Іспанія
Месцазнаходжанне
Канфесія каталіцтва
Епархія архібіскупства Таледа[d]
Архітэктурны стыль гатычная архітэктура
Архітэктар Петрус Петры[d]
Дата заснавання 1226
Вышыня 92 м
Сайт architoledo.org/catedral…
Лагатып Вікісховішча Таледскі сабор на Вікісховішчы

Сабор пабудаваны ў гатычным стылі на месцы вестгоцкай царквы, пабудаванай у V—VI стагоддзях, а пасля заваявання маўрамі Пірэнейскага паўвострава пераўтворанай у мячэць. Пасля адваёвы Таледа хрысціянамі ў XIII—XV стагоддзях ішло будаўніцтва сучаснага будынка сабора, ён да гэтага часу з’яўляецца адным з найбуйнейшых у Іспаніі: даўжыня сабора — 120 м, шырыня — 60 м, вышыня — 44 м.

У саборы захоўваецца мноства шэдэўраў — ад карцін Эль Грэка, Караваджа, Тыцыяна і іншых знакамітых мастакоў да выдатных узораў сярэднявечнага ювелірнага мастацтва.