Туаль
Туаль (фр.: toile — палатно; ад лац.: tela — «сетка») — натуральная баваўняная тканіна з набіваным малюнкам , разнавіднасць «індыйскай тканіны ». У Францыі словам «туаль» спачатку называлі вельмі тонкую аднакаляровую шаўковую тканіну (фр.: toile de nord — паўночнае палатно), а затым любыя натуральныя тканіны — ад ільнянога палатна да парусіны. У Расійскай імперыі яе так і называлі: туальдэнор [1]. За межамі Францыі гэта назва спачатку мела тое ж значэнне, але з другой паловы XVIII стагоддзя яно пераважна выкарыстоўваецца ў значэнні «баваўняная тканіна з набіваным малюнкам». Скарочана ад фр.: Toile de Jouy, літаральна «тканіна з Жуі» па назве знакамітай Мануфактуры Жуі , заснаванай у 1760 годзе нямецкім прадпрымальнікам, малявальшчыкам і гравёрам Крыстофам-Філіпам Оберкампфам (1738—1815).
![](http://upload.wikimedia.org/wikipedia/commons/thumb/5/56/Kasteel_van_Valen%C3%A7ay_-_Valen%C3%A7ay_05.jpg/250px-Kasteel_van_Valen%C3%A7ay_-_Valen%C3%A7ay_05.jpg)
Туаль-дэ-Жуі з’явілася ў Францыі ў якасці больш даступнай замены дарагога чынца, экспартаванага з Індыі. У адрозненне ад апошняга, малюнак туалі друкавалі адной або двума фарбамі, дэкаратыўнасць дасягалася дзякуючы разнастайным кветкавым, пейзажным і іншым матывамх. Для традыцыйнай французскай «туалі з Жуі» найбольш уласцівыя пастаральны і неакласічны сюжэт.
![](http://upload.wikimedia.org/wikipedia/commons/thumb/1/13/Jouy-Les_occupations_de_la_ferme.jpg/250px-Jouy-Les_occupations_de_la_ferme.jpg)
Акрамя назвы тканіны, у мадэльным бізнэсе словам «туаль» называюць першы ўзор новай мадэлі адзення, пашыты з кравецкага палатна — грубай бязі.
Зноскі
- ↑ Кирсанова Р. М. Костюм в русской художественной культуре 18 — первой половины 20 вв.: Опыт энциклопедии. — М.: Большая Российская энциклопедия, 1995. — С. 280
Літаратура
правіць- Туаль // Товарный словарь / И. А. Пугачёв (главный редактор). — М.: Государственное издательство торговой литературы, 1960. — Т. VIII. — Стб. 1049.