Вікіпедыя

Тэракты на Шры-Ланцы (2019)

Тэракты на Шры-Ланцы 21, 22 і 26 красавіка 2019 года — серыя з дзевяці выбухаў у трох каталіцкіх цэрквах і чатырох гатэлях у некалькіх гарадах Шры-Ланкі, уключаючы сталіцу Каломба. У выніку тэрактаў загінулі 269 чалавек[1][2]. У цэрквах выбухі адбыліся падчас велікоднай імшы ў Негомба, Батыкалоа і Каломба. Адначасна адбыліся тэрарыстычныя акцыі ў гатэлях Shangri-La, Cinnamon Grand і Kingsbury ў Каломба[3][4][5]. Наступны дзень адбыўся яшчэ адзін выбух. Два выбухі былі ажыццёўлены тэрарыстамі-смяротнікамі. Былі затрыманыя 40 тэрарыстаў, як мяркуецца, звязаныя з мусульманскай арганізацыяй National Thowheeth Jama'ath і «Ісламскай дзяржавай»[6], якая ўзяла на сябе адказнасць за атакі.

Тэрарыстычныя акты на Шры-Ланцы
Месца нападу  Шры-Ланка
Мэта нападу хрысціяне і турысты
Дата 21, 22 і 26 красавіка 2019
Спосаб нападу выбух, тэракт-самагубства
Зброя пояс шахіда
Загінулыя 269
Параненыя каля 500
Колькасць тэрарыстаў 9
Арганізатары Ісламская дзяржава
Падазраваныя 59

Гэтыя тэракты сталі першымі на Шры-Ланцы з часоў грамадзянскай вайны[7].

Фон правіць

70% насельніцтва Шры-Ланкі — будысты, а 9,7% — мусульмане. Каля 7,4% насельніцтва краіны з’яўляюцца хрысціянамі, з якіх 82% — католікі, якія вядуць сваю рэлігійную спадчыну непасрэдна ад партугальцаў.

Велікодная нядзеля — адзін з самых святых дзён хрысціянства; наведвальнасць царквы ў Шры-Ланцы вельмі высокая ў гэты дзень.

«New York Times» і AFP паведамілі пра тое, што начальнік паліцыі папярэдзіў чыноўнікаў службы бяспекі за дзесяць дзён да нападу пра пагрозу для буйных цэркваў з боку радыкальнай ісламісцкай групоўкі НТД. Аднак ніякай інфармацыі пра гэта не было перададзена высокапастаўленым палітыкам краіны[8].

Тэракты правіць

Калі хрысціяне ў Шры-Ланцы святкавалі велікодную нядзельную імшу, у цэрквах і гатэлях па ўсёй краіне адбыліся выбухі. Лічыцца, што, прынамсі, два выбухі былі ажыццёўлены тэрарыстамі-смяротнікамі[4]. Сярод загінулых было 35 замежнікаў, у тым ліку амерыканскія, брытанскія і галандскія грамадзяне[9].

Батыкалоа

У царкве Сіёна ў Батыкалоа таксама быў зладжаны выбух. Супрацоўнік бальніцы распавёў, што пасля гэтага выбуху да іх паступіла больш за 300 чалавек з траўмамі[5]. СМІ краіны паведамілі, што па меншай меры 40 чалавек загінулі ў Каломба, 93 чалавекі ў Негомба і 27 забітыя ў Батыкалоа[10][11]. Па паведамленнях аднаго з паліцэйскіх, дзевяць забітых былі замежнымі турыстамі[3].

Дэхівала

Зала прыёмаў ля Заалагічнага сада ў Дэхівале таксама была ўзарваная, на месцы здарэння былі зарэгістраваны дзве ахвяры[12].

Дэматагода

Пра выбух у Дэматагода паступілі паведамленні з жылога комплексу на вуліцы Махавіла Удана[13].

Калумнай

26 красавіка ў Калмунай адбылося яшчэ 3 выбухі[8].

Наступствы правіць

21 красавіка дом арцыбіскупа ў Каломба абвясціў, што ўсе запланаваныя на вечар каталіцкія велікодныя набажэнствы былі адмененыя[14].

26 красавіка паліцыя правяла спецаперацыю ў горадзе Сейнтамаруту. Праваахоўныя органы выявілі там месца, дзе, як мяркуецца, вырабляліся паясы смяротнікаў для ўдзельнікаў тэракту 21 красавіка. Таксама падчас рэйду былі знішчаны 15 баевікоў. Партал Adaderana паведамляў, што ў ходзе спецаперацыі ў доме меркаваных тэрарыстаў былі знойдзеныя сцягі і адзенне, звязаныя з ІД, а таксама выбуховае рэчыва, 100 тыс. жалезных шарыкаў і дрон. Акрамя таго, ВМС Шры-Ланкі затрымалі трох падазраваных з выбухоўкай С-4 недалёка ад чыгуначнай станцыі ў прыгарадзе Каломба[15].

6 мая паліцыя Шры-Ланкі заявіла пра нейтралізацыю ўсіх падазраваных у выбухах[16][17].

Заўвагі правіць

  1. ↑ Sri Lanka marks Easter Sunday attack anniversary. BBC News (21 красавіка 2020).
  2. ↑ Sri lanka bombings executive summary report. Архівавана з першакрыніцы 4 June 2020. Праверана 22 April 2020.
  3. ↑ а б "Sri Lanka explosions: 137 killed as churches and hotels targeted". BBC News. 21 April 2019. Праверана 21 April 2019.
  4. ↑ а б Multiple blasts hit Sri Lanka churches, hotels on Easter Sunday. aljazeera.com. Al Jazeera. Праверана 21 April 2019.
  5. ↑ а б "Sri Lanka blasts: hundreds injured in church and hotel explosions". The Guardian. 21 April 2019. Праверана 20 April 2019.
  6. ↑ В столице Шри-Ланки произошел новый взрыв. Lenta.ru (22 апреля 2019).
  7. ↑ Sri Lanka bombings: 138 killed, 400 injured as explosions rock Catholic churches during during Easter service (англ.). The Sydney Morning Herald (21 красавіка 2019). Праверана 21 April 2019.
  8. ↑ а б Взрывы на Шри-Ланке отдадут эхом в Москве (Романов Роман) // Відэа на Yotube Архівавана 28 красавіка 2019.
  9. ↑ Staff. Sri Lanka church and hotel explosions: More than 150 dead in Easter Sunday bomb attacks. The Telegraph (21 красавіка 2019). Праверана 21 April 2019.
  10. ↑ Irugalbandara, Ramesh (21 April 2019). "LIVE : Death toll in Easter Sunday explosions crosses 160". News First. Праверана 21 April 2019.
  11. ↑ Bastians, Dharisha (21 April 2019). "Sri Lanka Bombings Target Churches and Hotels, Killing at Least 48". The New York Times. Праверана 20 April 2019.
  12. ↑ Another explosion rocks Dehiwala. Праверана 21 April 2019.
  13. ↑ Sri Lanka bomb blasts LIVE Updates: Eighth explosion hits Colombo, over 160 dead. Праверана 21 April 2019.
  14. ↑ [1]
  15. ↑ Спецоперация в Шри-Ланке: полиция вступила в перестрелку с подозреваемыми, погибли 15 человек Архівавана 28 красавіка 2019.
  16. ↑ nashaniva.by
  17. ↑ reuters.com

Спасылкі правіць

Узята з "https://be.wikipedia.org/w/index.php?title=Тэракты_на_Шры-Ланцы_(2019)&oldid=4523715"