Украінскае грамадска-культурнае аб’яднанне Брэсцкай вобласці
Украінскае грамадска-культурнае аб’яднанне Брэсцкай вобласці (УГКА БВ) (укр.: Українське громадсько-культурне об'єднання Берестейської області)— грамадская і культурна-асветніцкая арганізацыя ўкраінцаў Берасцейшчыны. Існавала з 1990 па 1999 гады.
Гісторыя
правіцьСтворана 18 лютага 1990 года ў Брэсце. Нязменны кіраўнік арганізацыі Мікалай Казлоўскі. У склад Рады арганізацыі ў розныя часы ўваходзілі такія вядомыя грамадскія дзеячы і краязнаўцы, як Вячаслаў Панкавец, Георгій Мусевіч, Мікола Ячнік, Пятро Тарасюк, Аляксей Германовіч, Арсень Цяцярук, Міхаіл Петруковіч і іншыя. У 1995 г. частка сяброў таварыства заснавала «Асвету Берасцейшчыны» імя Т. Шаўчэнкі.
Друкаваны орган — газета «Голос Берестейщини». Таварыства было арганізатарам сустрэч з насельніцтвам з дапамогай інфармацыйных стэндаў, ініцыятарам канцэртаў украінскіх гуртоў, выдавала матэрыялы пра гісторыю і культуру краю. Дзякуючы намаганням членаў арганізацыі, а таксама прафесарска-выкладчыцкага складу Брэсцкага дзяржаўнага ўніверсітэта на філалагічным факультэце апошняга была адкрыта спецыяльнасць «Украінская мова і літаратура».
Падчас перарэгістрацыі грамадскіх аб’яднанняў у 1999 годзе Рэспубліканская камісія па перарэгістрацыі грамадскіх аб’яднанняў адмовіла таварыству ў перарэгістрацыі (рашэнне № 29 ад 24 верасня 1999 г.). Афіцыйнае спыненне дзейнасці звязана з рашэннем упраўлення юстыцыі Брэсцкага аблвыканкама No 2456 ад 12 лістапада 1999 г.
Мэты і задачы
правіцьМэты і задачы згодна са Статутам:
- Актыўна падтрымліваць далейшую дэмакратызацыю грамадства.
- Імкнуцца да гарманізацыі міжнацыянальных адносін на аснове паважлівых, добразычлівых адносін да інтарэсаў людзей розных нацыянальнасцей, якія сумесна пражываюць на Берасцейшчыне.
- Садзейнічаць захаванню і ўмацаванню дружбы і добрых адносін паміж беларускім і ўкраінскім народамі.
- Усяляк садзейнічаць этнакультурнаму адраджэнню Берасцейшчыны.
- Садзейнічаць захаванню і далейшаму развіццю ўкраінскай мовы, украінскай культуры, народных традыцый, а таксама распаўсюджванню і паглыбленню ведаў аб сваім паходжанні і гісторыі сярод насельніцтва краю.
- Прасіць улады ўсіх узроўняў улічваць украінскую этнічную прыналежнасць карэннага насельніцтва дадзенага рэгіёна пры рэалізацыі на тэрыторыі Брэсцкай вобласці законаў Рэспублікі Беларусь аб нацыянальных меншасцях, мовах, культуры, народнай адукацыі і інш.
Гл. таксама
правіцьЛітаратура
правіць- Козловський М., Українське відродження на Берестейщині у 80-90-х роках XX століття — Слов’янськ, 2006 — 43 с.