Уладзімір Аляксеевіч Парахневіч

Уладзімір Аляксеевіч Парахневіч (18 снежня 1918, в. Аўсімавічы, Бабруйскі раён — 28 ліпеня 1980) — Герой Савецкага Саюза (15.8.1944). Заслужаны настаўнік БССР (1969).

Уладзімір Аляксеевіч Парахневіч
Дата нараджэння	18 студзеня 1918(1918-01-18)
Месца нараджэння	Аўсімавічы, Бабруйскі павет, Мінская губерня, РСФСР
Дата смерці	28 ліпеня 1980(1980-07-28) (62 гады)
Месца смерці	Мінск, БССР, СССР
Месца пахавання	Усходнія могілкі
Альма-матар	БДУ
Бітвы/войны	Вялікая Айчынная вайна
Узнагароды і званні

Біяграфія

Нарадзіўся 18 снежня 1918 г. ў в. Аўсімавічы Бабруйскага раёна. Скончыў БДУ (1941). З жніўня 1941 г. ў падпольнай групе Варатынскага сельсавета. З ліпеня 1942 г. партызан 537-га атрада, камандзір дыверсійнай групы атрада, якая дзейнічала на чыгунцы Жлобін-Бабруйск і пусціла пад адхон 21 варожы эшалон. З лістапада 1943 г. Парахневіч з'яўляўся палітруком роты 539-га партызанскага атрада, з чэрвеня 1944 г. Камандзір 102-га атрада 9-й партызанскай брыгады імя С. М. Кірава. Пасля вайны на камсамольскай і педагагічнай рабоце ў Мінску.

Аўтар падручнікаў для школы, кнігі «Вогненныя віхуры» (1969). Памёр 28.7.1980 г.

Узнагароджаны ордэнамі Леніна, Кастрычніцкай рэвалюцыі, Працоўнага Чырвонага Сцяга, Чырвонай Зоркі, медалямі.

Літаратура

• Беларуская энцыклапедыя: У 18 т. Т.12: Палікрат — Праметэй / Рэдкал.: Г. П. Пашкоў і інш. — Мн.: БелЭн, 2001. — Т. 12. — С. 94. — 560 с. — 10 000 экз. — ISBN 985-11-0198-2.