Уманскі дзяржаўны педагагічны ўніверсітэт імя Паўла Тычыны

Уманскі дзяржаўны педагагічны ўніверсітэт імя Паўла Тычыны — украінская дзяржаўная вышэйшая навучальная ўстанова педагагічнага профілю са статусам універсітэта, якая знаходзіцца ў горадзе Умань.

Уманскі дзяржаўны педагагічны ўніверсітэт імя Паўла Тычыны
Уманський державний педагогічний університет імені Павла Тичини
Арыгінальная назва	Уманський державний педагогічний університет імені Павла Тичини
Міжнародная назва	Pavlo Tychyna Uman State Pedagogical University
Заснаваны	1930
Тып	профільны ўніверсітэт
Рэктар	Аляксандр Бэзлюдны
Студэнты	10 000
Юрыдычны адрас	вул. Садовая 2, 20300 г. Умань, Чаркаская вобл., Украіна
Сайт	udpu.edu.ua

Гісторыя

• 1930 — заснаваны як Інстытут сацыяльнага выхавання; меў 4 факультэты: тэхніка-матэматычны, сацыяльна-эканамічны, літаратурны і біялагічны; навучанне доўжылася тры гады; першы набор — 120 студэнтаў;
• 1933 — перайменаваны ў педагагічны інстытут з чатырохгадовым тэрмінам навучання, меў 4 факультэты: гістарычны, літаратурны, матэматычны і біялагічны;
• 1935 — перайменаваны ў настаўніцкі інстытут; 2 факультэта: фізіка-матэматычны і натуральна-геаграфічны;
• 15 чэрвеня 1944 — аднавіў працу ў складзе 2 аддзяленняў: фізіка-матэматычнага і натуральна-геаграфічнага;
• 1946 — аднавіў дзейнасць гістарычны факультэт;
• 1947 — быў далучаны натуральны факультэт Адэскага настаўніцкага інстытута, праз год — такі жа факультэт Кіеўскага настаўніцкага інстытута;
• 1952 — Уманскі настаўніцкі інстытут рэарганізаваны ва Уманскі дзяржаўны педагагічны інстытут;
• 1960 — створаны факультэт педагогікі і методыкі пачатковай адукацыі;
• 1967 — інстытуту было прысвоена імя Паўла Рыгоравіча Тычыны — украінскага паэта, перакладчыка, публіцыста, грамадскага і дзяржаўнага дзеяча УНР і УССР;
• 1976 — інстытут пачаў падрыхтоўку настаўнікаў агульнатэхнічных дысцыплін і працы;
• 1998 — інстытут рэарганізаваны ва Уманскі дзяржаўны педагагічны ўніверсітэт імя Паўла Тычыны.

Структура

• Інстытут эканомікі і бізнес-адукацыі;
• Гістарычны факультэт;
• Натуральна-геаграфічны факультэт;
• Факультэт дашкольнай і спецыяльнай адукацыі;
• Факультэт пачатковай адукацыі;
• Факультэт сацыяльнай і псіхалагічнай адукацыі;
• Факультэт мастацтваў;
• Факультэт фізічнага выхавання;
• Факультэт замежных моў;
• Факультэт украінскай філалогіі;
• Факультэт інжынерна-педагагічнай адукацыі;
• Факультэт фізікі, матэматыкі і інфарматыкі.

Спасылкі

• На Вікісховішчы ёсць медыяфайлы па тэме Уманскі дзяржаўны педагагічны ўніверсітэт імя Паўла Тычыны
• Афіцыйная старонка ўніверсітэта