Універсітэт Мікаласа Ромерыса
Універсітэт Мікаласа Ромерыса (літ.: Mykolo Romerio universitetas) — літоўская дзяржаўная вышэйшая навучальная ўстанова са статусам універсітэта, якая знаходзіцца ў Вільнюсе. Носіць імя Міхала Піуса Ромера.
| Універсітэт Мікаласа Ромерыса | |
|---|---|
| літ.: Mykolo Romerio universitetas | |
 | |
 | |
| Арыгінальная назва | літ.: Mykolo Romerio universitetas |
| Міжнародная назва | англ.: Mykolas Romeris University |
| Заснаваны | 2004 |
| Студэнты | 7 000 |
| Краіна | |
| Размяшчэнне | Вільнюс |
| Сайт | mruni.eu |
 Медыяфайлы на Вікісховішчы | |
Агульная характарыстыка
правіць28 кастрычніка 2004 года Сейм Літоўскай Рэспублікі зацвердзіў рэзалюцыю, на падставе якой Юрыдычны ўніверсітэт Літвы быў перайменаваны ва Універсітэт Мікаласа Ромерыса. Заснавальнікам універсітэта з’яўляецца Сейм Літоўскай Рэспублікі. Органамі кіравання ўніверсітэта з’яўляюцца савет універсітэта, сенат універсітэта і рэктар універсітэта.
Універсітэт мае пяць факультэтаў: эканомікі і кіравання фінансамі, правазнаўства, палітыкі і менеджменту, сацыяльных тэхналогій, грамадскай бяспекі, а таксама бізнес- і медыя-школа.
Установа прапануе навучанне па больш чым 70 праграмах на ступень бакалаўра, магістра і доктара. Асноўныя напрамкі навучання: бізнес, камунікацыі, эканоміка, фінансы, гісторыя, менеджмент, інфарматыка, права, філалогія, філасофія, паліталогія, псіхалогія, дзяржаўнае кіраванне, грамадская бяспека, сацыялогія і сацыяльная дзейнасць. Сістэма адукацыі ВНУ пабудавана аналагічна вышэйшай адукацыі ў краінах Еўропы, заснаванаму на прынцыпах Балонскага працэсу.
Спасылкі
правіць- ↑ Directory of Open Access Journals — 2003.