Фатаграфіі зондэркаманды
Фатаграфіі зондэркаманды ― чатыры размытыя фатаграфіі, зробленыя таемна ў жніўні 1944 года ў канцэнтрацыйным лагеры Асвенцім у акупаванай немцамі Польшчы[1]. Разам з некалькімі фотаздымкамі ў Асвенцімскім альбоме, яны з’яўляюцца адзінымі здымкамі падзей каля газавых камер[заўв 1].
Выявы былі зроблены з інтэрвалам 15―30 хвілін зняволеным у Аўшвіц-Біркенау, лагеры смерці ў комплексе Асвенцім. Агульна ён вядомы толькі як Алекс, яўрэйскі зняволены з Грэцыі. Фатограф быў членам зондэркаманды, зняволеных, вымушаных працаваць у газавых камерах і вакол іх[заўв 2]. Некалькі крыніц ідэнтыфікавалі яго як Альберта Эрэра, грэчаскага марскога афіцэра[4]. Ён зрабіў два здымкі знутры адной з газавых камер і два звонку, здымаючы са сцягна, не здолеўшы навесці камеру з якой-небудзь дакладнасцю. Польскае супраціўленне кантрабандай вывезла плёнку з лагера ў цюбіку з зубной пастай[5].
Фотаздымкі былі пранумараваны 280―283 дзяржаўным музеем Аўшвіц-Біркенау[6]. На №№ 280 і 281 паказана спаленне трупаў у вогнішчы, сфатаграфаванае праз чорную раму дзвярэй ці акна газавай камеры. На № 282 прадстаўлена група аголеных жанчын перад уваходам у газавую камеру. № 283 ― гэта выява дрэў, вынік таго, што фатограф прыцэліўся занадта высока[7].
Гл. таксама правіць
- Фатаграфіі Халакосту
- Альбом Хёкера, калекцыя фатаграфій з СС, якія кіравалі канцлагерам Аўшвіц-Біркенау
- Вільгельм Брасэ, вязень і фатограф у Асвенціме
- Аўшвіцкі альбом, фатаграфіі, зробленыя фатографамі СС падчас адбору
Заўвагі правіць
- ↑ Францішка Райнігер, Яд ва-Шэм: «Сярод мільёнаў фотаздымкаў, звязаных з нацысцкімі лагерамі смерці, толькі чатыры адлюстроўваюць фактычны працэс масавых забойстваў, якія здзяйсняюцца ў газавых камерах у Аўшвіц-Біркенау»[2].
- ↑ Жорж Дзідзі-Юберман (2008): «Схаваная на дне вядра камера трапіла ў рукі грэчаскага яўрэя па імені Алекс, якога сёння не апазналі, бо мы не ведаем яго прозвішча. Ён быў размешчаны на ніжнім узроўні, перад ямамі для спальвання, дзе ён павінен быў працаваць з іншымі членамі атрада»[3].
Зноскі правіць
- ↑ Georges Didi-Huberman, Images in Spite of All: Four Photographs from Auschwitz, Chicago: University of Chicago Press, 2008. First published as Images malgré tout, Paris: Les Éditions de Minuit, 2003.
- ↑ Franziska Reiniger, "Inside the Epicenter of the Horror—Photographs of the Sonderkommando", Яд ва-Шэм, undated.
- ↑ Didi-Huberman 2008, 11.
- ↑ Gideon Greif, We Wept Without Tears: Testimonies of the Jewish Sonderkommando from Auschwitz, New Haven: Yale University Press, 2005, 375, n. 2.
Dan Stone, History, Memory and Mass Atrocity, London: Vallentine Mitchell, 2006, 16.
Steven B. Bowman, The Agony of Greek Jews, 1940–1945, Stanford: Stanford University Press, 2009, 95.
Shlomo Venezia, Inside the Gas Chambers: Eight Months in the Sonderkommando of Auschwitz, New York: John Wiley & Sons, 2013, 90ff.
- ↑ Didi-Huberman 2008, 16.
- ↑ Dan Stone, "The Sonderkommando Photographs," Jewish Social Studies, 7(3), Spring/Summer 2001, (132–148), 143, n. 3.
- ↑ Didi-Huberman 2008, 117.
Спасылкі правіць
На Вікісховішчы ёсць медыяфайлы па тэме Фатаграфіі зондэркаманды- Nathan Cohen, "Diaries of the Sonderkommando," in Yisrael Gutman, Michael Berenbaum (eds.), Anatomy of the Auschwitz Death Camp, Indiana University Press, 1998.
- Teresa Swilebocka (ed.), Auschwitz: A History in Photographs, Indiana University Press, 1993.
