Форум Аўгуста (лац.: Forum Augusti) — другі з чатырох імператарскіх форумаў Рыма (125 м у даўжыню і шырынёй 118 м).

Форум
Форум Аўгуста
лац.: Forum Augusti
41°53′40″ пн. ш. 12°29′13″ у. д.HGЯO
Краіна  Італія
Горад Рым
Праблемы з <mapframe>:
  • Атрыбут «latitude» мае няслушнае значэнне
  • Атрыбут «longitude» мае няслушнае значэнне
Лагатып Вікісховішча Медыяфайлы на Вікісховішчы
Форум Аўгуста

Форум быў пабудаваны па заказу імператара Актавіяна Аўгуста. Самым важным збудаваннем форума стаў храм, прысвечаны Марсу Мсціўцу (лац.: Mars Ultor); асвячоны у 2 г. н.э. Храм быў пабудаваны з карарскага мармуру і па плане быў падобны да храма Венеры-Прамаці на форуме Юлія Цэзара; у цэнтры знаходзілася статуя Марса, якую атачалі статуі Венеры і абагаўлёнага Цэзара. Таксама там захоўваўся меч Цэзара і сцягі пераможаных парфян.

Форум служыў для ўсхвалення імператара, які аднавіў старыя традыцыі. З гэтай мэтай у паўкруглых нішах (экседрах) былі выстаўлены статуі Энея, які нясе свайго бацьку на плячах, і Ромула, паводле падання сына Марса, а таксама статуі важных дзеячаў рэспублікі (summi viri). На пастаменце кожнай статуі была адлюстравана інфармацыя пра жыццё і дзеянні гэтага чалавека (Elogium). У цэнтры плошчы перад храмам знаходзілася статуя Аўгуста на калясніцы.

На сённяшні дзень захавалася толькі частка форума Аўгуста: некалькі калон храма і лесвіца; калекцыя артэфактаў, а таксама частка паўкруглай нішы (экседра) з Форума Аўгуста знаходзяцца ў Casa dei Cavalieri di Rodi (Дом рыцараў Родаса). Пры Мусаліні пярэднюю частку форума перабудавалі ў Віа дэі Форы Імперыялі; археалагічныя даследаванні пры гэтым не праводзіліся.

Гл. таксама правіць

Літаратура правіць

  • Stierlin, Henri. Imperium Romanum. — Köln: Benedikt Taschen Verlag GmbH, 1996. — С. 41-44. — ISBN 3-8228-8729-3.
  • Fischer, Heinz-Joahim. Rom. — Düsseldorf: DUMONT Verlag, 1996. — ISBN 3-7701-3738-8.

Спасылкі правіць