Хадзі Такташ

Хадзі Такташ (тат. Hadi Taqtaş; сапраўднае імя Мухаметхадзі Хайру́лавіч Такташаў; 1 студзеня 1901 — 8 снежня 1931) - татарскі паэт.

Хадзі Такташ
татар.: Мөхәммәтһади Хәйрулла улы Такташев
Асабістыя звесткі
Дата нараджэння	1 студзеня 1901(1901-01-01)
Месца нараджэння	Sorqydy[d], Спаскі павет[d], Тамбоўская губерня, Расійская імперыя
Дата смерці	8 снежня 1931(1931-12-08) (30 гадоў)
Месца смерці	Казань, Татарская АССР[d], РСФСР, СССР
Грамадзянства	Расійская імперыя  СССР
Прафесійная дзейнасць
Род дзейнасці	паэт
Жанр	верш і narrative poetry[d]
Медыяфайлы на Вікісховішчы

Біяграфія

Нарадзіўся 1 студзеня 1901 года, вёска Сыркыды Спаскага павета Тамбоўскай губерні. Вучыўся ў медрэсэ. У сувязі з цяжкім матэрыяльным становішчам сям’і ў 1915 г. з’ехаў у Бухару. У 1917 г. стаў членам джадыдысцкай арганізацыі маладабухарцаў, працаваў у дабрачынным фондзе.

У 1918 г. у газеце «Олуг Туркестан» («Вялікі Туркестан») былі надрукаваны першы верш Х.Такташа «Төркестан сахраларында» («У пустынях Туркестана») і яго артыкулы аб дзейнасці маладабухарцаў. Пасля разгрому іх арганізацыі ў 1918 г. Х.Такташ вярнуўся ў родную вёску, працаваў настаўнікам.

У 1919 г. з’ехаў у горад Арэнбург, паступіў у Татарскі інстытут народнай адукацыі, створанага на базе медрэсэ «Хусаінія», працаваў адказным сакратаром газеты «Юксылар сюзе», у якой друкаваў і свае вершы. У 1921—1922 гг. жыў у Ташкенце, выкладаў у Туркестанскім рабоча-дэхканскім камуністычным універсітэце, шмат пісаў.

Летам 1922 г. правёў у Маскве, наведваў літаратурныя вечарыны, слухаў У.Маякоўскага, С.Ясеніна і іншых рускіх паэтаў.

Прыехаў у Казань, працаваў суфлёрам у Першым паказальным татарскім тэатры, затым у рэдакцыях часопісаў «Чаян» (1923—1924, 1929—1931), «Авыл яшляры» (1926). У 1922 г. на сцэне паказальнага тэатра была пастаўлена п’еса Х.Такташа «Чыр улары» («Сыны зямлі»); ролю Ідэі адыграў сам аўтар.