Ханс Эварт
Ханс Эварт (нідэрл. Hans Eworth, Hans Ewouts; каля 1520, Антверпен — 1573, Лондан) — нідэрландскі мастак.
| Ханс Эварт | |
|---|---|
 | |
| Род дзейнасці | мастак, дзеяч мастацтваў, партрэтыст, прыдворны мастак, ювелір, ювелір |
| Дата нараджэння | 1520[1][2], 1540[3] ці 1515[4][5][6] |
| Месца нараджэння | |
| Дата смерці | 1574[9][10][…], 1578[8] ці 1573[3][6] |
| Месца смерці | |
| Грамадзянства | |
| Член у | |
 Медыяфайлы на Вікісховішчы | |
.svg){kind=small}
БіяграфіяПравіць
Нарадзіўся каля 1520 года ў Антверпене, дзе ў 1540 годзе ўступіў у мясцовую гільдыю св. Лукі. У перыяд паміж 1545 і 1549 гадамі Эварт перабраўся ў Англію, якую не пакідаў да канца дзён. На працягу шэрагу гадоў мастак працаваў пры каралеўскім двары Цюдараў, стаўшы адным з найзначнейшых партрэтыстаў свайго часу. Ён стварыў партрэты караля Эдуарда VI, каралевы Марыі I, каралевы Лізаветы I і іх прыдворных; гэтыя працы напісаныя ў перайманне манеры Ганса Гальбейна-малодшага. Эварт таксама пісаў алегорыі, у якіх прыкметна ўплыў Яна ван Скорэла і еўрапейскіх маньерыстаў. Самым яркім і незвычайным палатном мастака з’яўляецца «Алегарычны партрэт сэра Джона Латрэла» (1550), які паказвае яго цудоўнае выратаванне.
Праз некаторы час Эварту было адмоўлена ў каралеўскім заступніцтве, і ён на шмат гадоў пакінуў двор. Толькі ў канцы жыцця мастак ізноў вярнуўся на каралеўскую службу; у 1572 годзе, пасля смерці аднаго з прыдворных мастакоў, які адказваў за каралеўскія цырыманіялы і святы, Эварт быў запрошаны выканаць дэкарацыі і касцюмы для прадстаўлення ў гонар прыбыцця французскіх паслоў.
Памёр мастак у Лондане ў 1573 годзе.
Зноскі
- ↑ а б Hans Eworth , aka Hans Ewoutsz. // Athenaeum Праверана 9 кастрычніка 2017.
- ↑ Hans Eworth // Art UK painters database Праверана 9 кастрычніка 2017.
- ↑ а б в Kunstindeks Danmark Праверана 12 лістапада 2019.
- ↑ а б Artnet — 1998. Праверана 12 лістапада 2019.
- ↑ mutualart.com — 2008. Праверана 12 лістапада 2019.
- ↑ а б Ewoutsz., Hans // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00060541 Праверана 12 лістапада 2019.
- ↑ Union List of Artist Names Праверана 12 лістапада 2019.
- ↑ а б в г д е RKDartists Праверана 12 лістапада 2019.
- ↑ Hans Eworth // (unspecified title) Праверана 9 кастрычніка 2017.
- ↑ Hans Eworth // Nationalencyklopedin — 1999. Праверана 9 кастрычніка 2017.
- ↑ а б https://artuk.org/discover/artists/eworth-hans-c-1520after-1578 Праверана 12 лістапада 2019.
- ↑ Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #137479557 // Агульны нарматыўны кантроль — 2012—2016. Праверана 12 лістапада 2019.