Хуанес

Хуанес (ісп.: Juanes), поўнае імя Хуан Эстэбан Арыстысабаль Васкес (ісп.: Juan Esteban Aristizábal Vásquez), нарадзіўся 9 жніўня 1972, Медзельіна) — калумбійскі выканаўца папулярнай музыкі, які да 1998 года выступаў у складзе цяжкай рок-каманды Ekhymosis.

Хуанес ісп.: Juanes
Асноўная інфармацыя
Імя пры нараджэнні	ісп.: Juan Esteban Aristizabal Vasquez
Поўнае імя	Хуан Эстэбан Арыстысабаль Васкес
Дата нараджэння	9 жніўня 1972(1972-08-09) (50 гадоў)
Месца нараджэння	Медэльін, дэпартамент Ант’ёкія[d], Калумбія
Краіна	Калумбія
Жонка	Karen Martínez[d]
Альма-матар	Pontifical Bolivarian University[d]
Музычная дзейнасць
Прафесіі	музыкант, спявак, кампазітар, гітарыст, аранжыроўшчык
Інструменты	гітара і вакал
Жанры	лаціна-поп, поп-рок
Калектывы	Ekhymosis
Узнагароды
juanes.net
Медыяфайлы на Вікісховішчы

Сусветны поспех такіх іспанамоўных выканаўцаў, як Шакіра і Энрыке Іглесіяса, натхніў яго запісаць дэбютны сольны альбом, які ў 2000 г. быў адзначаны трыма лацінаамерыканскімі ўзнагародамі «Грэмі». Па стане на 2007 год Хуанес дадаў у сваю скарбонку яшчэ дзевяць гэтых узнагарод, заваяваў у 2005 г. усе хіт-парады Еўропы з хітом «La Camisa Negra» і перавыдаў услед за гэтым адзін з сваіх ранніх сінглаў, «A Dios le Pido». Вялікім поспехам таксама карысталіся яго дуэты з Black Eyed Peas і Нэлі Фуртада.

Хуанес вядомы як нястомны змагар за забарону проціпяхотных мін. У сувязі з гэтай дзейнасцю яму было дазволена выступіць перад Еўрапейскім парламентам, а ў 2006 г. ён быў узнагароджаны французскім Ордэнам мастацтваў і літаратуры. У тым жа годзе Хуанес выступіў на закрыцці Чэмпіянату свету па футболу ў Германіі. Сезар Лопес падарыў Хуанесу адну з пяці створаных ім у якасці сімвалаў свету эскапетар.

На 2011 год па ўсім свеце прададзена больш за 13 мільёнаў копій альбомаў Хуанеса.

Дыскаграфія

• 2000 — Fíjate bien
• 2002 — Un día normal
• 2004 — Mi sangre
• 2007 — La vida... es un ratico
• 2010 — P.A.R.C.E.
• 2012 — TBA

Спасылкі

• На Вікісховішчы ёсць медыяфайлы па тэме Хуанес
• es.lyrsense.com Пераклады песень Хуанеса