Адкрыць галоўнае меню

Х'ю Мак-Калах (англ.: Hugh McCulloch; 7 снежня 1808 — 24 мая 1895) — амерыканскі палітык, 27-ы і 36-ы міністр фінансаў ЗША.

Х’ю Мак-Калах
англ.: Hugh McCulloch
Hugh McCulloch.png
27-ы міністр фінансаў ЗША
Прэзідэнт: Аўраам Лінкальн
 
Партыя:
Адукацыя:
Дзейнасць: банкір, адвакат
Нараджэнне: 7 снежня 1808(1808-12-07)[1][2]
Смерць: 24 мая 1895(1895-05-24)[1][2] (86 гадоў)

БіяграфіяПравіць

Х'ю Мак-Калах нарадзіўся ў Кенебанку, штат Мэн. У 1883 годзе скончыў юрыдычны факультэт каледжа Боўдайн у штаце Мэн. Да 1835 года Мак-Калах займаўся юрыдычнай практыкай у Форт-Уэйн, штат Індыяна. З 1835 па 1857 год Х'ю Мак-Калах займаў пасаду прэзідэнта Банка Індыяны. У 1863 годзе міністр фінансаў Сэман Чэйз прызначыў Мак-Калаха першым кантралёрам па грашовых зваротах у ЗША. За 22 месяца выканання абавязкаў у дэпартаменце па кантролі за грашовымі зваротамі ён праінспектаваў 868 банкаў і рэкамендаваў ўнесці сур'ёзныя змены ў банкаўскае заканадаўства, што прывяло да прыняцця ў 1864 годзе Нацыянальнага банкаўскага акта.

9 сакавіка 1865 года прэзідэнт Абрахам Лінкальн зацвердзіў Х'ю Мак-Калаха на пасаду міністра фінансаў ЗША. Пасля забойства Лінкольна, Мак-Калах успамінаў, што ў той раніцу 14 красавіка 1865 года ён «ніколі не бачыў прэзідэнта такім шчаслівым». 4 снежня 1865 года Мак-Калах ў штогадовым дакладзе заклікаў часова адмовіцца ад банкнот. Гэтая мера прывяла да зніжэння прапановы банкнот. 12 сакавіка 1866 года быў прыняты закон, які дазваляў выпуск не больш за 10 мільёнаў даляраў на працягу 6 месяцаў, і не больш за 4 мільёнаў у наступныя месяцы. Гэты закон падвергнуўся моцнай крытыцы і быў адменены 4 лютага 1868 года. Падчас свайго знаходжання на пасадзе, Мак-Калах падтрымліваў палітыку, накіраваную на скарачэнне федэральнага ваеннага доўгу і больш асцярожнага падаткаабкладання поўдня. На пасадзе міністра фінансаў палітык заставаўся да 1869 года.

Неўзабаве пасля заканчэння тэрміну паўнамоцтваў Х'ю Мак-Калах з'ехаў у Англію, дзе ў перыяд з 1870 па 1876 год быў членам банка Джэя Кука. З кастрычніка 1884 года да сакавіка 1885 года Мак-Калах стаў міністрам фінансаў пры адміністрацыі Чэстара Артура. На працягу гэтых 6 месяцаў палітык працягваў выступаць за забеспячэнне банкнот золатам і папярэджваў, што бескантрольная чаканка срэбных манет павінны спыніць.

Памёр Х'ю Мак-Калах 24 мая 1895 гады ў Прынс-Джорджэс, Мэрыленд, быў пахаваны на могілках Рон-Крык.

Зноскі

  1. 1,0 1,1 Hugh McCulloch // Encyclopædia Britannica Праверана 9 кастрычніка 2017.
  2. 2,0 2,1 Hugh McCulloch // SNAC — 2010. Праверана 9 кастрычніка 2017.