Вікіпедыя

Царква ў гонар абраза Божай Маці «Адшуканне загінулых» (Клейнікі)

Царква ў гонар абраза Божай Маці «Адшуканне загінулых» — мураваны праваслаўны храм у аграгарадку Клейнікі Брэсцкага раёна Брэсцкай вобласці.

Праваслаўны храм
Царква ў гонар абраза Божай Маці «Адшуканне загінулых»
52°08′30″ пн. ш. 23°36′43″ у. д.HGЯO
Краіна  Беларусь
Аграгарадок Клейнікі
Канфесія праваслаўе
Архітэктар Анатоль Міхайлавіч Гуляка[d]
Будаўніцтва 2006
Стан дзейнічае
Map
У паняцця ёсць і іншыя значэнні, гл. Царква ў гонар абраза Божай Маці «Адшуканне загінулых».

Гісторыя правіць

Праваслаўная грамада арганізавана і зацверджана 28 красавіка 2004 года. Пасля прашэння было адведзена месца пад будаўніцтва храма. Праект па будаванні двухпавярховага храма распрацаваў архітэктар А. М. Гуляка.

31 мая 2006 года Іаанам, епіскапам Брэсцкім і Кобрынскім, закладзена пліта і асвячона месца пад будаўніцтва царквы.

Цягам некалькіх гадоў быў пабудаваны ніжні храм, праведзена яго ўпарадкаванасць[1]. 30 жніўня 2014 года епіскап Брэсцкі і Кобрынскі Іаан правёў чын асвячэння ніжняга храма і правёў першую ў новапабудаваным храме літургію. Уладыку паслуговалі сакратар Брэсцкага епархіяльнага ўпраўлення протаіерэй Пётр Рамановіч, благачынны цэркваў Брэсцкай раённай акругі протаіерэй Уладзімір Карнялюк, а таксама шэраг настаяцеляў храмаў суседніх вёсак, якія ўваходзяць у благачынне[2].

25 ліпеня 2018 года на будаўніцтве царквы загінуў пенсіянер[3].

Пры храме дзейнічае нядзельная школа і прыходская бібліятэка.

Настаяцелі правіць

  • Іерэй Валерый Машлякевіч.

Зноскі

  1. ↑ ХРАМ ИКОНЫ БОЖИЕЙ МАТЕРИ «ВЗЫСКАНИЕ ПОГИБШИХ»
  2. ↑ У вёсцы Клейнікі на Берасцейшчыне асвечаны новы храм(недаступная спасылка)
  3. ↑ У Брэсцкім раёне на будаўніцтве царквы загінуў пенсіянер
Узята з "https://be.wikipedia.org/w/index.php?title=Царква_ў_гонар_абраза_Божай_Маці_«Адшуканне_загінулых»_(Клейнікі)&oldid=4469849"