Цэзар ван Эвердынген

Цэзар Баэтыус ван Эвердынген (нідэрл. Caesar van Everdingen, 1616 ці 1617 — 13 кастрычніка 1678) — нідэрландскі мастак, старэйшы брат жывапісцаў Яна і Аларта ван Эвердынгенаў.

Цэзар ван Эвердынген
нідэрл.: Cesar Boetius van Everdingen нідэрл.: Cesar Pietersz
Імя пры нараджэнні	нідэрл.: Caesar Boetius van Everdingen
Род дзейнасці	мастак
Дата нараджэння	1616
Месца нараджэння	Алкмар, Kennemerland[d], Паўночная Галандыя, Рэспубліка Злучаных правінцый
Дата смерці	13 кастрычніка 1678(1678-10-13)
Месца смерці	Алкмар, Kennemerland[d], Паўночная Галандыя, Рэспубліка Злучаных правінцый
Месца пахавання	Grote or Sint-Laurenskerk[d]
Грамадзянства	Рэспубліка Злучаных правінцый
Член у	Харлемская гільдыя Святога Лукі[d] Alkmaar Guild of Saint Luke[d]
Медыяфайлы на Вікісховішчы

Цэзар ван Эвердынген нарадзіўся ў Алкмары, у сям’і адваката Пітэра ван Эвердынгена, навучаўся жывапісу ва Утрэхце ў Яна Герыта ван Брангорста. У 1632 годзе Ван Эвердынген стаў членам гільдыі мастакоў Алкмара, у 1655—1656 гадах стаў яе дэканам. Першыя вядомыя працы датуюцца 1636 годам. У 1640 падарожнічаў у Скандынавію. З 1641 па 1643 год выконваў работы па ўпрыгожванні аргана ў адной з цэркваў у Амерсфорце. У 1645 годзе ажаніўся. У 1648 г. мастак пераехаў у Харлем, дзе стаў членам мясцовай Гільдыі Святога Лукі і гарадской народнай дружыны. З 1648 па 1650 Ван Эвердынген працаваў разам з Якабам ван Кампенам над Аранжавым пакоем у Хёйс-тэн-Бос. У 1658 г. ён вярнуўся ў Алкмар, дзе працаваў ва ўласнай майстэрні і навучаў жывапісу. У 1661 годзе пасяліўся ў Амстэрдаме.